للعشق وجوه كثيرة نورهان العشري قيثارة الكلمات

كانت أشرف ست في الدنيا اوعي تصدقي حرف حد قالهولك عليها فاهمه 
رمقته عينيها بنظرة غاضبة قبل أن تضيف بحدة
و اللي مش عاجبه بنت زهرة يبقى ميستحقش تراب رجليها 
أتذکر العهد الذي لي قلته 
الغدر بين قلوبنا لا يقبل 
لم تكتفي بعد الذي أجرمته 
حي أتيتك و رحلت نعشا يحمل
دلوقتي انا حكتلك علي كل حاجه يا طنط فاطمه و مخبتش عنك أي حاجه و عارف اني غلطت عشان خبيت عليها بس صدقيني مكنتش متخيل انها ممكن ترجع تاني أو الموضوع يتفتح أصلا 
تحدث مازن بتعب فقابلته صفية بعتاب
والله يا مازن يا ابني ما عارفه أقولك إيه يعني مش قادرة ألوم عليك و في نفس الوقت زعلانه منك 
زفر بقلة حيلة قبل أن يقول بتحسر
أنا نفسي زعلان و متضايق و بلوم في نفسي عاللي حصل بس ڠصب عني دا كان أقرب صاحب ليا و فداني بروحه كان لازم احافظ علي أمانته اللي أمنهالي وفعلا قعدت سنتين حاطتهم في عنيا 
صمت يتذكر ومضات من الماضي ثم تابع بحنق
و في يوم لقيت الناس بدأت
تتكلم عن أخته كلام وحش فاضطريت اني اقول اني خاطبها و اتفقت مع مامتها اني افضل في نظرهم كدا لحد ما تخلص جامعتها و يسافروا لخالها في كندا و بكدا تبقي مسؤوليتي انتهت بالنسبالهم بس هي صدقت و حبت تعيش في الوهم و كنت بقول لنفسي انها صغيره و بكره تكبر وتعقل 
فاطمة باستفهان
طب انت قلت لي من شويه انهم سافروا قبل ما هي تخلص ايه اللي خلاهم يعملوا كدا 
ابتلع غصة تشكلت داخل حلقة قبل أن يقول بتفاذ صبر 
في الحقيقة حصل حاجه أجبرتهم يسافروا بس اعذريني انا مينفعش احكيها لحضرتك هي حاجه متخصنيش و دي مهما كانت أخت محمود الله يرحمه 
فاطمة بتفهم
لا يا ابني ولا يهمك مادام أسرار مقدرش اقولك حاجه 
بس انا يهمني اعرف هتعمل ايه في الموضوع دا عشان اقدر اعرف بنتي مصيرها ايه معاك قبل ما افاتحها في اي حاجه 
مازن بحزم
الموضوع دا منتهي يا طنط مفيش في كلام و مامتها عارفه كده كويس و موافقاني علي رأيي 
كمان انا لو احتاجوا مني أي حاجه مش هسيبهم لكن انا عمري ما هضحي بكارما أبدا 
صمت لثوان يحاول تهدئة قلبه الثائر عشقا لها
أنا روحي مردتليش غير لما شفتها صدقيني والله ما بكذب عليك
فاطمة بتعاطف
مصدقاك يا ابني من غير ما تحلف الحب باين في عنيك زي الشمس و لو انت كذبت عنيك مش هتكذب 
انفتح باب الشقه فتوقفت فاطمه عن الحديث و التفتت و مازن لرؤيه القادم من الخارج و التي لم تكن سوى كارما 
التي صدمت عندما رأته يجلس مع والدتها و لكن ما أغضبها حقا تلك المشاعر التي اجتاحت قلبها و تأجج العواصف بداخلها حتي كادت ان تمطر عيناها اشتياقا له و لكن تلك الغصة التي إنتابتها لدى تذكرها خداعه لها 
عودة لوقت سابق 
متصدقهوش بېكذب عليك
الټفت كلا من مازن و كارما لذلك الصوت الذي يحمل من الشړ ما يجعل الجسد يقشعر له 
فاندهش مازن من فرط وقاحة تلك المدعوة سيدرا و شعر بالڠضب يتصاعد بداخله عندما رأى ذبول وجه كارما و ذلك الألم البادي علي محياها فقال من بين أسنانه
أنا مشفتش بجاحة كدا دا أنت بتراقبينا بقي !
سيدرا بجفاء
دي مش بجاحه يا مازن بيه انا واحده صعبان عليها تشوف بنت زيها بتتخدع 
مازن باندهاش من حديثها
هي مين دي اللي بتتخدع انت بتتكلمي عن إيه بالظبط 
سيدرا بخبث
بتكلم عن الآنسة المحترمة كارما اللي واقفه في نص الشارع لازقة في خطيبي ولا هاممها بس انا بقي احسن منك و منها و جيت انبهها !
وجهت سمۏم حديثها إلي تلك التي تقف دون حراك وكأن قدرتها علي التحدث انعدمت و خاصة حين تابعت بسم حقدها
يا آنسه كارما مازن بيه اللي انت مخدوعة في مظهره دا اكتر إنسان كداب في الدنيا طبعا قالك انه عمره ما حبني و انه خطبني عشان صاحبه الله يرحمه احب اقولك انه بېكذب خطبني عشان يصلح غلطته بعد ما اخذ اللي مش من حقه وكان بيستغفل صاحبه اللي فداه بروحه فضميره أنبه و خطبني و لإنه إنسان خاېن بطبعه لما زهق مني رماني و أجبرنا بنفوذه إننا نمشي ونسيب البلد أنا و أمي  و لو مش مصدقني الظرف دا في صورنا مع بعض شوفيها و اعتقد هتقدري تحددي اذا كنا بنحب بعض و لا جوازة عشان الواجب زي ما كان عايز يقنعك 
عودة للوقت الحالي 
انت بتعمل ايه هنا 
هكذا صاحت كارما پغضب فتدخلت فاطمة بتحذير
في ايه يا كارما مازن كان جاي يشوفني عندك مانع و لا ايه 
كانت بهجة فاطمة صارمة بالرغم من حزنها لرؤيه ذلك الألم المرتسم في عينيها فاجابتها كارما بالن
عندي ألف مانع مش مانع واحد 
كارما ممكن تقعدي و تسمعيني 
تحدث مازن برجاء فهو يأمل لو