ابن ليل أميرة أسامة

الدكتوره دره بنفسها تكشف عليا
دره طب نامي يا اختي يلا عدل
فتحت دره شنطتها وطلعت السماعه وجهاز الضغط وبدأت تكشف عليها بكل جديه ومها عينها عليها ومبتسمه بحب وفخر 
دره انتي بتكحي 
مها لا خالص مفيش اي حاجه غير اللي قولتلك عليها بس مناخيري بتاكلني بطريقه فظيعه وفي نفس الوقت مسدوده خالص 
دره قومتها وسمعت صوت ضهرها 
دره بصي العلاج ده هتكملي بيه عادي بس في حاجه كمان هكتبهالك لان علي بال بكره الصبح صدرك هيقفل خالص لانه واضح انه مكتوم بطريقه فظيعه انتي پتدخني ولا ايه يا مصېبه
مها بضحك ياختي انا فيا نفس 

دره بكر بېدخن صح
مها اه طبعا
دره وولادك اكيد
مها اه ولاد الصرمه بس في اوضتهم يعني
دره وطبعا كرم وهيما وابوكي المعسل يعني من الاخر قاعده في غرزه منكم لله
مها طب نعملولهم ايه
دره مينفعش حد يشرب قدامك لان الوقت انتي صدرك مكتوب من دور البرد والټدخين السلبي ده اخطر من الټدخين العادي لانك طول الوقت بتشمي ابعدي عنهم خالص اللي عايز يشرب يخرج البلكونه اشربي سوايل دافيه علي قد ما تقدري ومايه كتير وياريت الاكل تبعدي عن اي حاجه فيها دخون وبهارات كل ده هيتعب صدرك
مها احيه ده امك هتبعتلي محشي
دره بضحك كلي حاجه بسيطه من نفسك بس متقليش
مها ماشي
دره امسكي ده العلاج ولا اقولك خليه معايا انا هبعتهولك
مها تبعتيلي ايه هاتي انا هنبعت حد من العيال يجيبه
دره خلاص قولتلك انا هجيبه واديهلهم 
مها طب تعالي اقعدي جنبي بقي
دره انا لو قعدت جنبك هنروح في النوم و بلبله هتيجي تفرج عليا انا وانتي الخلق
مها يابت اقعدي شويه بس الاوضه موحشتكيش
دره إلا وحشتني انا اول ما دخلتها قلبي اتخطف ورجعت بالعمر سنين كتير اوي
رفعت مها الغطاء وهي مبتسمه طب تعالي يلا
شالت دره الحاجه في الشنطه وقلعت الكوتشي بتاعها وطلعت جنب مها
لفت مها ايدها عليها ودره لفت ايدها علي وسطها وفي نفس اللحظه الاتنين بمجرد ما بعض اتنهدوا تنهيده طوووووويله كلها حب وشوق 
مها يااااااه وحشتيني يا نصي الحلو
دره بدموع
وحشتيني يا قلب اختك
باستها مها من راسها وهي دموعها نازله ورجعت شعر دره وراء ودنها
مها فاكره زمان لما كنا بنقعد نفس القعده دي كنت بقولك ايه ولا نسيتي 
ابتسمت دره من وسط دموعها 
دره نفسي لما أتجوز لو جبت بنت أجيبها شبهك واسميها دره
مها ضحكت مها ومسحت دموعها ربنا اداني اتنين كل واحد فيهم زي الشحط
دره يابت دول عسل ربنا يخليهم ليكي
وبعدين انتي طول عمرك عامله زي بلبله بتحبي الولاد اكتر من البنات
مها بس كان نفسي اجيب بنت وتبقي شبهك واسميها علي اسمك
دره نصيبك يبقي عندك دره واحده بس 
مها أغلي دره في الدنيا 
ضمتها مها اوي والاتنين فضلوا ساكتين مكانش في كلام يتقال او بمعني اصح مشاعرهم مكانش في كلام ممكن يعبر عنها من اول ما دره جات في كلام كتير مها كان نفسها تقوله كان نفسها تعاتبها صحيح لما طلعتلها اول مره وزارتها قالت جزء منه لكن بردوا مقالتش كل حاجه كان نفسها تعاتبها علي قد محبتها
لكن اكتفت مها بقربها ورجوعها ليها من تاني وأتخلت عن أي عتاب ممكن يتقال وميبقاش ليه اي لزوم اوقات العتاب بيريح لكن كمان عمره ما بيرجع اللي راح عشان كده مها سكتت واللحظه اللي كانوا فيها بالنسبه لمها تسوي الدنيا ومافيها دره مكانتش مجرد صاحبه ليها كانت اختها اللي مش من ډمها بير اسرارها ونصها الحلو زي ما كانت ديما تناديها 
أما دره فا حالها مكانش يختلف كتير عن مها هي كمان كانت مفتقداها ومفتقده كلامها وضحكها و اسرارهم وجنانهم كانت مفتقده العالم الخاص بتاعهم 
كل واحده فيهم أكتفت بضم التانيه وشردوا في اللحظه اللي متتعوضش بكنوز الارض 
بكر بنقولك ايه يا كرم
كرم قول يا بكر
بكر هنروح نعدي علي المعلم مرعي نديله الفلوس اللي طلبها من المعلم تقفل انت
كرم روح يا صاحبي انا خلاص هنقفل اصلا ومش ورايا حاجه
بكر معلش عشان اخلص من الحوار ده
كرم لا روح انت يا بكر انا هنقفل هما العيال دول بيعمل ا ايه في العربيه
بكر واقفين مع هيما مش عارف عربيته فيها ايه بيظبطوها مع بعض
كرم طيب تمام يلا روح انت عشان متتأخرش
بكر تمام يلا سلام عليكم
كرم عليكم السلام
وقف كرم دقايق لحد ما العمال قفلوا
كرم هيمااااا في حاجه ولا ايه
هيما لا كيرو بنجربوا حاجه في السماعات عشان فاصله 
كرم طيب هنطلعوا ماشي 
هيما تمام يا كيرو هنحصلوك
كرم متتأخروش
هيما تمام 
طلع كرم علي فوق كان بيعد الوقت عشان يطلع بسرعه ويشوفها قبل ما تنزل 
وصل كرم قدام الباب فتح ودخل بص حواليه الدنيا كانت هاديه للحظه فكر مها فوق في شقتها ودره معاها راح علي المطبخ كانت نجوي واقفه 
كرم سلام عليكم
نجوي عليكم السلام يا حبيبي قفلتوا
كرم اه خلاص ابويا لسه مجاش
نجوي كلمني وقالي هيتأخر شويه عشان هو وعمك زكريا مش عارفه قاللي قاعدين مع مين كده 
كرم تمام هي مها فوق ولا ايه
نجوي لا دي هي ودره جوه في الاوضه بتاعت مها 
كرم اااه فكرتها فوق لما لاقيت الدنيا هاديه 
نجوي لا جوه يا حبيبي دره كانت بتكشف عليها وقاعدين مع بعض
كرم هي عامله ايه الوقت مش احسن
نجوي اه احسن كتير عن الصبح الحمد لله سكتت شويه وبصت في عينه حست انه عايز يقول حاجه ومش عارف ادخلهم هما جوه روح اطمن عليها 
كرم حس انه ما صدق كان حقيقي عامل زي المراهق اللي مستني نظره من بنت الجيران اااا ماشي هنروح نشوفها
خرج بسرعه واول ما خرج ابتسمت نجوي بحب
راح كرم قدام الباب خبط خبطه بسيطه واستغرب ان مها ودره قاعدين في مكان واحد مع بعض وصوتهم مش طالع خبط تاني ولما لقي مفيش صوت فتح 
واول ما فتح أتفاجئ من المنظر 
مها بابتسامه وصوت واطي عماله نقولك ادخل
كرم عينه كانت علي دره ومبتسم مسمعتش فكرتكم مش هنا
مها لا هنا تعالي 
كرم بنظره حب هي دره نايمه
مها بأبتسامه ضمت خدها بحب اه كنت فكراها سرحانه طلعت نايمه
ابتسم كرم وبص لمها وبعدين راح قعد جنبها 
مها ابتسمت و بصتله وطبطت علي رجله بحزن واضح انها تعبانه اوي
كرم وهو باصللها باين عليها
بس مكانش ينفع تقرب منك كده ممكن تتعدي
مها فضلت نقولها متسلمش عليا مرضيتش وبعدين خدتها جنبي كانت وحشاني اوي يا كرم
كرم بابتسامه حزن المنظر بتاعكم ده اخر مره شوفته كنتوا لسه في ثانوي كنت لما بنشوفكم كده كنت بنفرح اوي وبحس اني عندي بنتين
مها كنت بتقول علينا التوأم المشاغب 
كرم ولحد الوقت يا مها
مها اياااام يا كرم متتعوضش
كرم فضل باصص
علي دره وشارد ونسي خالص ان مها قدامه وبصاله بحزن ابتسمت مها وحبت تغير المود العام عشان عارفه ان اخوها الوقت بيتوجع اكتر
مها بضحك بنقولك ايه 
بصلها كرم قولي
مها احنا اتفقنا نحطوا ايدنا في ايد بعض ونطلعوا عليها شيطانا ايه تيجي
كرم بضحك ايه مرتاحتيش لما بوظتي الغسيل مصدقتي تجيلك لحد عندك
معا ايووووه مقلب وجالنا لحد عندنا نقولوا لا
كرم انتي يابت مش كنتي تعبانه
مها ما هو انا بنفوق علي المقالب ها معايا ولا عليا يا ولا
كرم نعرفوا الاول المقلب 
مها افتح البوك بتاعي عشان مش هنقدروا نتحركوا احسن تصحي
فتح كرم وبصلها
مها في قلم كحل طلعه
كرم بضحك الله يخربيتك دي هتسمعنا أوسخ ربع في التاريخ
مها اخلص بس يلا قبل ما تقوم
كرم امسكي اهو
مها لا نمسك ايه مش هنعرف نايمه علي كتفي تعالي انت العب في وشها البخت
كرم انا لا مليش في
مها ايه جبت وراء يا ابن الرفاعي
كرم الشبر ونص دي مش سهله
مها اخلص بقي خلينا نضحكوا شويه
كرم ما بلاش 
مها ياولا اخلص بنقولك هتصحي
كرم نعملها ايه طيب
مها شنب دقن اللي يجي منك كله حلو
كرم بضحك الله يحرقك شيطانه
مها والنبي اديها انت الفرصه دي بس مش هتفرط فيها
قرب كرم من الناحيه التانيه للسرير وقعد جنب دره وبصلها
مها مكانتش عارفه تبص عليه ولا عليها عشان متتحركش ودره تصحي وانتهز كرم الفرصه دي
قرب ايده بهدوء من شعرها اللي نازل علي وشها وعلي كتف مها رجعه بهدوء وراء ودنها وبضهر كف ايده لمس وشها بهدوء
مها يلا اخلص
انتبه كرم للي بيعمله مسك القلم وقام وقف وقرب من دره اكتر ومال بجسمه فوقيها وقبل ما يرسم علي وشها رفع جزء من شعرها بهدوء وهي مايله علي كتف مها ورسم في المنطقه اللي وراء ودنها وجنب رقبتها من الخلف قلب وكتب بحبك 
ابتسم كرم برضا وبعدين رجع شعرها تاني لمكانه عشان يخبي الرسمه 
وبدأ يرسم علي وشها 
عملها دايره علي مناخيرها بالكحل وسحب من الدايره علي خدها تلات خطوط تحت بعض وبعدين رفع راسها بهدوء من علي كتف مها وسحب في الخد التاني تلات خطوط مها لمحت وشها وشافت الرسمه اللي عامله زي الارنوب وفضلت تكتم بوئها وتضحك
كرم شششش هتجرسينا اسكتي ضحك كرم ولما حس انها بتصحي رجعها بسرعه علي كتف مها وبعد
مها دي هتطلع عنينا
كرم مليش دعوه انتي اللي قولتي وبعدين هي نايمه نومه أهل الكهف ليه كده
مها ما انا بقولك شكلها مرهق اوي 
دخلت نجوي تشوفهم لقت الاتنين بيضحكوا وهي نايمه ومش طالعلها صوت
نجوي في ايه بتضحكوا علي ايه ياولاد
مها مفيش
نجوي هي دره نايمه ووو احيه ايه اللي علي وشها ده بصت لقت القلم في ايد كرم
كرم مليش فيه بنتك
الشيطانه اللي قالتلي
نجوي وانت بتسمع كلامها طب هي ومعروف انها هبله ومخبوله بس انت يا عاقل بتسمع كلامها ليه
بصولها وهما بيضحكوا ڠصب عنها هي كمان ضحكت
فتحت دره عينها بهدوء علي صوت ضحك عالي ثواني وكانت مستغربه المكان والاصوات وحتي الاشكال وفكرت نفسها بتحلم وفجأه افتكرت وبمجرد ما لقت كرم قدامها والكل بيضحك اتلغبطت واتوترت قامت بسرعه وكانت فكراهم بيضحكوا عشان راحت في النوم 
دره اااا انا مش عارفه نمت ازاي بس
نجوي تقريبا الاوضه وحشتك يا دره
دره ابتسمت بإحراج اا تقريبا كده وانتي ازاي تسبيني انام
مها كانت فطسانه من الضحك هي وكرم اللي بيحاول يخبي وشه عشان عارف انها فاهمه ضحكهم غلط
دره انتي پغضب انتي بتضحكي علي ايه يا مهزقه انتي انا غلطانه اني سمعت كلتمك ونمت جنبك انا ماشيه 
نجوي بضحك يابت استني هتمشي كده 
دره كده يعني ايه سبيني نمشوا قبل ما نرتكب في بنتك اللي بتضحك دي چريمه بصت لكرم پغضب وڠصب عنها مقدرتش تمسك نفسها انت بتضحك علي ايه انت كمان
كرم مقدرش يمسك نفسه وفضل يضحك منظرها وهي مټعصبه مش لايق يكون جد مع الارنوب اللي مرسوم علي وشها 
دره انا هنمشي احسن عشان مش هنضمن روحي بعد ثانيه راحت علي الكوتشي