ابن ليل أميرة أسامة

وقفت انت وعبدالله في وش بعض كام مره حاولنا نوقف
ألف عاركه بينكم الشيطان واقف علي روسكم من زمان ومستني اللحظه اللي تشبطوا فيها فبعض 
عبدالله كرم عشان خاطرنا خد وقتك بس كفايه كده يا صاحبي كلنا تعبنا وغلطنا من حقنا نرتاح بقي
نبيله خلينا نرتاح ياكرم الحقيقه ظهرت وريحت الكل
كرم كفايه انتي ترتاحي وادي بنتك رجعت لحضنك كمان يعني الراحه بقت ضعف

نبيله هي رجعت وانت بتبعد يا كرم
كرم بتنهيده سبيني يا بلبله لو ليا غلاوه عندك
نبيله يعني مفيش فايده فيك يا كرم
عبدالله سيبيه يا امي يهدي ويفكر ويرتاح خليه ياخد وقته بس يكون في علمك يا كرم بمزاجك او ڠصب عنك هنفضل في حياتك حتي لو قررت اننا منبقاش مع بعض زي زمان لازم تعرف ان مكانتك في قلبنا هتفضل زي ماهي واللي يمسك ويوجعك هيعلم فيا قبلك يا صاحبي يلا يا امي 
بصت نبيله لكرم بحزن 
عبدالله يلا يا امي
مشيت نبيله مع عبدالله وسابوا كرم لوحده وبمجرد ما العربيه اتحركت شاط كرم برجله التراب بكل ڠضب
في الجامعه 
احمد خد ديما وراحوا يتمشوا مع بعض اما محمد ودانه قعدوا في الكاڤيتريا
محمد ايه بدأتي تتعودي شويه علي الجو هنا ولا لسه حاسه بوحده
دانه لا خالص بالعكس حاسه اني اتعودت كتير خصوصا بعد ما نزلنا الجامعه يعني بيتهيألي لو كنت في اجازه الموضوع كان هيبقي صعب جدا
محمد والله اجازه او دراسه الجو في مصر مختلف واي حد يقدر يتأقلم مع الناس هنا بسهوله هنا الناس طيبه وجدعان والروح نفسها في اسكندريه تجبر اي حد علي التعود بسرعه
دانه ده حقيقي صحيح مقولتليش
محمد قولي
دانه انت مش مرتبط يعني زي حسن كده
محمد انا لا 
دانه بتضحك ليه
محمد بيتهيألي لو حصل مش هتكمل بسبب مها
دانه مامتك ليه هي صعبه اوي كده
محمد بالعكس والله امي دي اطيب خلق الله ومش عشان هي امي اكيد كل واحد فينا بيشوف ان امه دي احسن ام في الدنيا بس مها بعيدا عن انها امي هي بجد طيبه وحنينه وجدعه بس هي بتغير علينا اوي
دانه يعني ايه بتغير عليكم 
محمد بصي هو بيبقي شعور عند كل الامهات بس مها مرتبطه بينا جدا ويمكن دي حاجه مش اي حد يحسها يعني اللي يشوف علاقتنا بأمي من بره يفكر اننا طول اليوم مقضينها خناق ومشاكل و يفكر اننا مفيش بينا تفاهم لاننا زي ما بيقولوا ناقر ونقير بس الحقيقه غير كده مها بتحبنا بجد بتتعامل معانا علي اننا حاجه منها اوي مينفعش حد يقرب ويلمسها كمان انا واحمد مش هاديين فا مها عندها تخيل كده اننا متهورين ولسه مش ناضجين متخيله اننا ممكن نبوظ الدنيا
دانه بس اكيد بتثق فيكم
محمد جدا بس بردوا دي مش اي حد ياخد باله منها يعني للحظه ممكن تتصوري انها معندهاش بربع جني ثقه فينا لكن وقت الجد هي بتثق فينا وعارفه اننا مش بنغلط بس هي طول الوقت بردوا لازم تحسسك بالذنب وتحسسك انك بتغلطي
دانه بتأنب ضميركم يعني
محمد حاجه زي كده بس هي پتخاف علينا اوي پتخاف نغلط
پتخاف انها ممكن تكون مأثره في تربيتنا ديما بتحاول تحافظ علينا وهي ديما تقول تربيه الصبيان صعبه ومش بتاعتي
دانه كان نفسها في بنت
محمد ياااااااه اوي ابويا بيحكيلي لما عرفت ان انا ولد فضلت ټعيط كان نفسها اول خلفه ليها تبقي بنت ولما حملت في احمد بيقولي انها رقعت بالصوت 
دانه للدرجادي
محمد واكتر والله بس بردوا ميبانش علي مها حبها للبنات وممكن تحسي انها مش بتحب غير الصبيان
دانه واضح ان مامتك بتحاول تظهر ديما غير اللي جواها
محمد اوقات كتير بتعمل كده فعلا ويمكن في حياتي دي كلها شوفت كام موقف يتعدوا لمها هما اللي بينت فيهم اللي جواها بجد
دانه زي ايه
محمد يعني اقرب موقف فاكره لما دره رجعت طول عمري عارف ان امي بعد ما كانت صاحبت دره جدا وكانوا يعتبروا اخوات بقت اكبر عدوه ليها وكنت ديما اقول ان دره لو رجعت امي مش هتسمي عليها من اللي كنت بنسمعه وبنشوفه منها بس لما امي عرفت ان دره رجعت لاول مره نخس انها متلغبطه وتايهه بتحاول تظهر انها مضايقه من رجوعها وفي نفس الوقت مش عارفه تمثل
دانه تقصد انها كانت فرحانه
محمد حتي لو مقالتش ده لحد الوقت بس انا أبصم بالعشره ان امي طايره من الفرحه وروحها ردتلها من تاني
دانه هو من كلامك واضح انها طيبه بس متزعلش مني مش باين عليها خالص
محمد قولنالك اللي مها بتظهره غير حقيقتها بجد والله امي طيبه اوي انتي بس عشان متعرفيهاش
دانه طيب نرجع تاني لسؤالي انت محبتش عشان ملاقتش بنت تحبها ولا عشان قلقان من مامتك
محمد اكيد مش قلقان يعني في النهايه امي لو عارفه اني بحب بجد هي اول واحده هتفرح بس انا اللي ملاقتش بنت احبها بجد يمكن عشان ديما مشغول بالجامعه والشغل والبيت وعيلتي يمكن عشان كل البنات اللي اعرفهم بعتبرهم زمايل واخوات مش اكتر يعني تقدري تقولي اني مخدتش الموضوع جد اوي كمان انا لسه بدرس واكيد مش هعلق واحده بيا وانا لسه طالب مش حلوه يعني
دانه بس انت بتشتغل بردوا
محمد بشتغل ومن زمان كمان بس لحد الوقت شغلي بالنسبالي مش جد اوي دراستي اللي لسه مخلصتش مخلياني حاسس ان لسه بدري علي الخطوه دي والتفكير فيها يعني شغلي هيبقي جد بالنسبالي لما اخلص اهم حاجه وهي دراستي فهماني
دانه فهماك
محمد طيب وانتي بقي محبتيش قبل كده
دانه انا لا خالص يعني كان ليا زمايل كتير ولاد بس عمري ما حبيت مامي ديما تقول اني عامله زي الولاد وان الحب والكلام ده بعيد عن شخصيتي
محمد بس انتي شخصيتك حلوه علي فكره
دانه يمكن بس كمان انا بحس اني مش حد رومانسي جو الارتباط والعلاقات دي بعيد عني شويه
محمد يمكن عشان لسه محبتيش بس اي حد فينا لما بيحب اكيد شخصيته بتختلف وبيكتشف في نفسه حجات جديده مكانش يتوقعها
دانه يمكن بس كمان الموضوع في امريكا كان بالنسبالي صعب شويه انا واخواتي
محمد من ناحيه ايه
دانه يعني اي حد بيحب بيلاقي الحب جه مره واحده وفجأه تسيب نفسك لعلاقه جديده ممكن تكتشف في طباع حلوه او وحشه تتقبلها او ترفضها كل ده عادي بيحصل لكن في امريكا بالنسبه لعرب ومسلمين انت قبل ما تحب وتلاقي نفسك دخلت في علاقه بتحتاج اول حاجه انك تدرس الشخص اللي قدامك من اول ديانته اللي لازم تعرفها قيل ما تحب للعادات والتقاليد المختلفه بينا يعني زي ما قولتلك انتوا هنا بتكتشفوا بعض بس في الغالب العادات والتقاليد بتكون نوعا ما قريبه من بعض لكن هناك هما عادات وتقاليد واحنا عادات وتقاليد تانيه خالص وبيبقي في طرف فيهم مجبر انه يتقبل ظروف التاني زي ما هي ولازم الطرف ده يكون هما لان انا كا مسلمه من اسره عربيه ليها عادات وتقاليد مش هقبل انا او اهلي اني اعيش علي نظامهم فا بيبقي صعب تلاقي الشخص اللي يوافق علي نمط حياتك ده ويتقبله يعني ممكن تعجب بشخص وميبقاش علي ديناتك فا اكيد هو هيغير ديانته والمشكله انك مبتبقاش واثق هو غيرها عن اقتناع ولا تغيير لمجرد ان الدنيا تمشي ودي حاجه مش سهله كمان هناك هما متفتحين والدنيا عندهم مباح فيها كل حاجه وبردوا ده مينفعش فهمتني
محمد فهمتك بس كمان في ناس عرب ومسلمين واتجوزوا امريكان عادي
دانه طبعا
في كتير بس بتبقي حالات مش اكتر او العرب بقي بيتجوزوا من بعض من الاخر الموضوع في صعوبه شويه وانا بصراحه محاولتش ادخل في القصه دي واكتفيت بيهم زمايل واصحاب مش اكتر
محمد لا واضح ان دره طلعت مسيطره
دانه من ناحية مسيطره فا احب اقولك ان مامتك جنبها ممكن تبقي اطيب بكتير
محمد بس بيتهيألي معاها حق في النهايه انتوا كنتوا عايشين في مجتمع بعيد خالص عن مجتمعنا
دانه هي اكيد معاها حق طبعا مامي من واحنا صغيرين كانت بتحاول هي وبابي طول الوقت يتكلموا عربي في البيت عشان نقدر نكتسب اللغه لان الانجليش كده كده كنا هنتعلمه سواء في الدراسه او التعامل مع الناس عموما كانت بتحاول تعلمنا كل حاجه بالدين الصح والغلط الحړام والحلال ازاي البنت تحافظ علي نفسها علمتنا الصلاه والصوم من سن صغير جدا
محمد علي فكره حتي في لبسكم يعني كنت متخيل انكم اتربيتوا هناك فا اللبس هيكون مختلف
دانه بالعكس هو يمكن احنا مش لابسين حجاب حتي مامي مش لابسه بس عمرنا مالبسنا لبس خارج اه بنلبس براحتنا بس كمان في حدود وعلي فكره لما جينا هنا مامي اتكلمت معانا في موضوع اللبس يعني عشان المكان هنا مش زي امريكا وعشان كده نزلنا مع حسن جبنا لبس تاني يمشي شويه مع النظام في مصر وبصراحه انا لما دخلت الجامعه اتفاجئت بكميه بنات محجبه غير طبيعيه
محمد اه الكل هنا لابس حجاب الا حبه بسيطه بس بردوا مش خارجين اوي بتبقي قله يعني بس في العموم في حاجه مهمه لازم تعرفيها مش كل اللي لابس حجاب ومغطي شعره هو ملتزم يعني متثقيش في اي حد عشان شكله من بره محترم ودي نصيحه الشخص بيبان معدنه في طبعه مش لبسه
دانه مامي ديما تقول كده علي فكره
وبالذات لدارين لان دارين من النوع اللي بتثق بسهوله في اي حد
محمد دارين طيبه اوي بحسها طفله 
دانه اوي رغم انها الكبيره بس هي عبيطه علي فكره ومش بتقدر تفهم الناس بسهوله
محمد طيب وديما
دانه ديما دي في عالم تاني دماغ لوحدها بتحب تهزر وتضحك تحسها تايهه كده بس هي في العموم غير دارين بردوا يعني ممكن تفهم اللي قدامها فا تاخد جنب وتحذر منه بس ممكن تفضل علي علاقه بيه دارين لا بتتخدع بسهوله
محمد طيب وانتي
دانه لا انا لو محستش براحه نع اللي قدامي ببعد و بواجهه ومش بخاف بقول اللي جوايا وزي ما تيجي تيجي
محمد علي فكره دي احلي حاجه
دانه يعني بحاول صحيح هي ديما واحمد فين كل ده
محمد مش عارف بيصيعوا اكيد احمد واخدها جوله في الجامعه هي دارين هوخلص امته
دانه قدامها ساعه تقريبا
محمد طيب تعالي نتمشي ونشوف احمد وديما
دانه طيب يلا
علي الساعه 8 كانت دره خلصت شغلها اتصلت اطمنت علي البنات وعرفت انهم روحوا قالتلهم انها لسه عندها شغل وهتتأخر عشان كانت لسه هتشوف كرم ومتعرفش هتروح امته 
ققلت معاهم وبصت للموبايل علي رقمه مبقتش عارفه تتصل عليه ولا تبعتله رساله ولا تعمل ايه فضلت سرحانه شويه وبتفكر وفي الاخر قررت تخلص وتكلمه عشان تروح
اتصلت عليه رن جرسين و مردش وطبعا هي ما صدقت قفلت وقالت جات منه
بسرعه بعتتله رساله 
دره انا اتصلت بيك عشان اشوف طلباتك وانت مردتش بيتهيألي كده انا عملت اللي عليا
قفلت دره الموبايل وقامت تلم حاجتها عشان تروح كانت مبسوطه انه مردش عشان تهرب منه 
في الوقت ده خرج كرم من الحمام بعد ما خد دش وجهز بص لقي الموبايل