ابن ليل أميرة أسامة

دول كنت بنشوف ابويا و بنروحله في بيت ستي وهوكمان كان بيشوف كل طلباتنا وبيهتم بينا بس في بدايه طلاقهم اول اسبوعين كان ابويا بيوحشني أوي وكان بيبقي نفسي نشوفه ونروحله لانه كان حنين وبيحبنت من قلبه لاعمره زعق لحد فينا ولا عمره مد ايده علينا المهم كنت بنخاف نقولوا لامي انه واحشني وعايزه نشوفه احسن تزعل او تتعارك معايا او حتي تقولي انتي بتحبيه اكتر مني 

لقيتها في يوم بتقولي خدي يابت يا نبيله قولتلها ايوه يااما قالتلي هو انت يابت لو اتجوزتي وبعدتي عني مش هتسألي عني قولتلها كلام ايه ده ياما انا هنبقي عندك كل يوم
قالتلي لو مۏت مش هتيجي تزوريني او حتي تقرأيلي الفاتحه كل يوم ونيجي علي بالك زي ما كنت عايشه
قولتها بعد الشړ عنك ياما بس اكيد لأ وعمرك ما هتروحي من بالي 
قالتلي امالي ليه يابت مبتسأليش علي أبوكي ولا بتروحي تزوريه يا قليله الأصل ده ملهوش غيرك 
بصتلها يومها بأستغراب وقولتلها هو انتوا اتصالحتوا ياما
ردت عليا وقالتلي لأ
قولتلها امال ليه بتقوليلي كده
يومها بصتلي بصه عمري ما هننساها كان كلها ڠضب
قالتلي هو انا يابت لازم اكون متصالحه انا وابوكي عشان توصلي رحمك بيه
قولتلها لا مقصدش بس مستغربه انك بتقوليلي كده قالتلي عشان فات اسبوعين من بوم ما اتطلقت وانتي مقولتيش اشوف ابويا او أشقر عليه
قولتلها انا ابويا واحشني ياما وهنتجنن ونشوفه ونقعد معاه بس انا خاېفه منك احسن تزعلي مني لو قولتلك اني عايزه نشوفه 
نزلت دموعها بسرعه وقالتلي يابت ده دخولك الجنه مرهون برضا مني ومن ابوكي معقول انا يهون عليا نشوفك بتتشوي في الڼار عشان شويه زعل جوايا منه معقول انا نقسيكي عليه ونجبرك تبعدي عنه ومتشوفيهوش ولا تكلميه عشان حاجه بيني وبينه سكتت شويه وبصتلي وقالتلي هنقولك كلمتين تحطيهم حلقه في ودنك والكلمتين دول لما يبقي ليكي بيت وعيال تربي ولادك عليهم الست والراجل يقطعوا بعض يخسروا بعد يبعدوا عن بعض يحصل بينهم اللي يحصل بس يفضل ولادهم بعيد عن مشاكلهم لا الام تزعل من جوزها وتمسك عيالها تكرههم فيه وتقولهم متكلمهوش متسألوش فيه ولا الراجل كمان يقسيهم علي امهم ويطلع فيها العبر مشاكلكم بعيد عن عيالكم عشان مهما كان وحتي لو الست کرهت الراجل هيفضل ابو عيالها ولو الراجل كره الست هتفضل ام عياله يمكن ميرجعوش ويمكن يكون النصيب بينهم اتقطع لكن هيفضل في رابط في النصيب اللي اتقطع رابطهم ببعض من غير ما يحسوا وهما العيال 
فرحت قولتلها يعني مش هتزعلي قالتلي هزعل لو أثرتي معاه ولا شوفتيه محتاجك وموقفتيش في ضهره ومش بس كده لو طاوعتيني من جوايا هنخاف منك وهنعرفوا انك ملكيش أصل واكيد هتعملي معايا كده لما تكبري وتتجوزي يومها جريت علي ابويا وانا طايره من الفرحه ومش بس كده عملتلي صنيه بسبوسه عشان ابويا كان بيحبها قالتلي تأكليهاله بأيدك هو وستك وتقعدي معاهم روحت وانا فرحانه واول ما شوفت ابويا بوست علي ايده وقولتله متزعلش مني وحكيتله اللي حصل سوفت في عينه ابتسامه لا يمكن انساها وحسيت وقتها ان رغم زعله من امي إلا انه واثق انها بنت اصول ولا يمكن تقسي بنته عليه 
المختصر انا بحكي كل ده ليه عشان اعرفكم ان اي حاجه تحصل بين ابوكم وامكم انتوا بعيد عنها طاعتهم واجب عليكم وحتي لو ابوكم جه عليكم زي ما جه علي امكم اوعوا تقطعوا يمكن تكون السکينه سرقاه ومش واعي للي بيعمله حتي لو رفض يكلمكم او يشوفكم تبقوا عملتوا اللي عليكم
والاهم هنقولها تاني دره مرفضتش عشان هو كلكم لو كان بيتصل وهو ندمان او حقيقي عايز يطمن عليكم كان هيبقي عادي بس هي خاېفه عليكم وعارفه ان ده مكانش رأيه واكيد في حاجه هي مش فهماها عشان كده اتعصبت عليكم 
دانه انا عارفه يا بلبله والله بس انا مش عيزاها تزعل مني مش اكتر
دعاء تيجي هي بس وانت ا راضوها بكلمتبن امكم مفيش اطيب ولا احن من قلبها والشويه اللي بعدت فيهم اكيد هيهدوها وهترجع ناسيه 
دارين ممكن أسالك سؤال يا بلبله
نبيله أسألي يا قلب بلبله
دارين بابتسامه ايه اللي حصل مع مامتك وبباكي بعد كده بصراحه عندي فضول اعرف قصتهم انتهت ازاي 
نبيله بابتسامه جميله رجعوا لبعض بعد خمس سنين الناس بتوع زمان الراجل والست لما كانوا يتجوزا اغلبهم مكانوش بيتجوزوا عن حب بس بمجرد ما يتقفل عليهم باب واحد العشره بتخلي روحهم متعلقه ببعض وابويا كان حنين اوي وحب امي من قلبه وامي كمان مكانش في في طيبه قلبها كنت ديما اسمها تقول ربنا فوق ومحمد جوزي وابو عيالي تحت كانت بتحبه اوي وياما شوفت دموعها نازله كنت بنعمل روحي نايمه وهي كانت تقعد عالشباك فاكره منظرها لحد الوقت كأنها قدامي كانت تحط ايدها علي خدها وتبص علي الشارع وتفضل تكلمه كده يا محمد هونت عليك يا محمد ده انا مليش غيرك يا حبيبي 
ديما ياحرام كانت بتحبه اوي
نبيله اوي الاتنين اتوجعوا علي اخويا والڠضب عماهم هي زعلت عشان اتهمها بالاهمال وعشان طلقها وهو زعل لاني قولتلكم كان بيحبنا وبيخاف علينا اوي اټصدم لما اخويا ماټ بس في النهايه مقدروش يستغنوا عن بعض
ديما طيب ورجعوا
ازاي
نبيله امي تعبت اوي وجالها نفس الدور اللي جه لاخويا كانت بتغسل في عز البرد وهدومها ڠرقت علي بليل جاتلها حمي شديده وبقت تخرف باسم ابويا مكنتش عارفه نتصرف جريت علي ابويا زي المجنونه قولتله الحق امي وشه اتخطف وجري ورايا ولما شاف حالتها افتكر اخويا وخاف تروح منه فضل معاها لحد ما قامت علي رجلها وخفت واول ما اتحسنت شويه بعد يومين علي المغرب لقينا ابويا جاي وجايب في ايده المأذون وقالها مستحيل اسيبكم تاني امي فرحت ووافقت ورجعوا الله يرحمهم هنا الاتنين مكانش في زيهم ولا شوفت في حبهم غير مرتين في حياتي
دانه بشقاوه اكيد جدو مره منهم
نبيله بأبتسامه زكريا ميتخيرش عن ابويا نفس حنيته وطيبه قلبه حبيته زي ما امي حبت ابويا بس الفرق اني حبيته قبل الجواز كنت بنشوفوا زمان واقف مع ابوه كان جزار زيه كان يفضل عينه عليا في الرايحه والجايه حبني وحبيته واتجوزنا 
دارين ومين التاني بقي خالو
نبيله خالك عامل زي جدك وحب دعاء من قلبه وصراحه ربنا هي تستاهل تتحب
دعاء بحب حبيبتي يا بلبله ربنا يخليكي ليا بس عموما انا عارفه تقصدي مين 
ابتسمت نبيله وسكتت 
ديما مين يا بلبله
نبيله كرم
بصوا البنات لبعض
دانه تقصدي انه حب مامي يعني
نبيله كرم محبش امكم كرم عشقها حب كرم لدره مش موجود في زمننا ده ده حب كده عامل زي الحاجه الحلوه اللي بتيجي مره في العمر ومبتتكررش
دانه في حاجه عايزه اقولها وخاېفه تزعلي مني 
نبيله عمري ما هزعل منك قولي
دانه حتي لو هو حبها بالشكل ده ازاي قدرتي يا بلبله تبعدي عن مامي كل ده يعني كفايه انها مش بتحبه ليه كنتي عايزه تجبريها علي حبه وليه خدتي صفه هو مع مامي اللي بنتك
نبيله بصي قبل ما اقولك علي اللي جوايا خليني نعترف اني غلطت واني مهما يحصل مكانش ينفع نعملوا كده لا انا ولا زكريا ولا عبدالله 
بس انا عن نفسي كنت بنعمل كده وفاكره اني بالطريقه دي هنضغطوا علي دره وهترجع بس ده محصلش ليه بقي كنت واخده صف كرم وليه كنت عايزه دره تبقي كرم لاني بنحب بنتي وكنت عايزه اشوفها اسعد واحده في الدنيا وسعادتها كانت مع كرم وهي مش شيفاها كرم راجل لدرجه متتوصفش بېخاف ويغير علي اللي منه كنت واثقه ان بنتي معاه هتبقي في امان وهتعيش مبسوطه طول حياتها كنت عارفه انها ممكن في البدايه تبقي مضايقه بس كنت واثقه انها لما تتجوز كرم وتعيش معاه هتعرف ان معايا حق يمكن انا عملت كل ده بطريقه غلط بس اللي واثقه منه ان اختياري لكرم وتصميمي عليه مكانش غلط كرم جمع كل الصفات الحلوه اللي كانت في الرجاله اللي نعرفهم ابويا وزكريا والرجاله بتاعت زمان الحب والإخلاص والوفاء والحنيه والسند والضهر كل حاجه قلبه نضيف يطلع يطلع ويتعصب ويغضب لكن كلمه صغيره تطفي الڼار اللي جواه والراجل اللي من النوع ده بيصفي ويتراضي بسرعه وميشلش من حد ولا يقلب التربيزه ميتعوض وامكم زمان كانت مجنونه وكانت شايفه روحها وعصبيه كرم اللي كان هيمشي معاها بس في النهايه ده نصيب 
الكلام خدنا وانا لو فتحت في الذكريات مش هنقفل ولا هنشوفوا اللي ورانا المهم لما امكم تيجي تراضوها والاهم تحطوا كلامي في عقلكم دايما ماشي 
دانه ماشي يا بلبله بس علي فكره احنا لينا قاعدة ذكريات
دارين بضحك كنت لسه هقولها كده وللله 
نبيله لو عالذكريات مفيش اكتر منها وهي اللي معيشانا لحد الوقت ومتقلقوش هصدعكم
دعاء يلا يا بنات اطلعوا خدوا دش وارتاحوا شويه لحد ما تيجي دره ونتعشوا سوا
دارين تمام مش عايزه مساعده 
دعاء منتحرمش منكم
طلعوا البنات وهما مبسوطين بعد كلامهم مع نبيله والاكيد ان كلامها كان ليه تأثير عليهم قوي 
وصل كرم لكن قبل ما يدخل علي شارعهم ركن العربيه علي ناصيه الشارع اللي قبله 
كرم بحب بص لدره يلا يا حبيبي
بصتله كرم باستغراب وابتسمت يلا أيه أحنا رايحين فين
كرم احنا وصلنا مش رايحين مكان
دره انت نسيت الشارع اللي احنا ساكنين فيه ولا ايه
كرم بابتسامه جذابه هو انا
صحيح عقلي واخد أجازه انهارده بس مش لدرجه اني انسي الشارع بتاعنا
دره بضحك امال ايه
كرم هتنزلي انتي
دره انت رايح مشوار يعني
كرم لا جاي وراكي
رفعت دره حاجبها وبصتله
كرم بضحك لا بلاش رفعة الحاجب دي يابت الجمال كل الحكايه مش عايز حد يشوفك معايا مش اكتر
دره وده ليه بقي ان شاء الله خاېف حد يشوفني معاك ولا ايه
كرم بضحك لا بقولك ايه مش ناقصه غباء صحصحي معايا كده اولا انتي طلبتي مني اننا منقولش اي حاجه لحد الوقت واكيد الكلام ده هينطبق علي اي حد حتي لو بره عيلتنا ثانيا وده الاهم انا لو عليا عايز نعرفوا الدنيا كلها بس ادام ده طلبك يبقي هنفذه واكيد مش هسمح لحد يتكلم عليكي
دره ويتكلم عليا ليه هو مش انت قولت انك كلمت بابا وعبدالله وعرفتهم اني معاكم ولا كنت بتسرح بيا يا أبن الرفاعي 
كرم بضحك مش بنقولك غبيه والله عرفتهم طبعا بس ده ميمنعش ان ممكن حد يشوفك ويقول كلمه كده او كده واكيد انا مش هسكت وبعدين مش عايز حد يبص