ابن ليل أميرة أسامة

دره ڠصب عنه من عصييته البسيطه
دره طيب خلاص براحه انا فكرتك بتعمل كده عشان خاېف اني ارفض لو قولت حد غيرهم محسبتهاش زي ما قولت
بكر عارف انك مش هترفضي يا دره كلهم عيالنا وكلهم رجاله وثقه بس حاليا مفيش غير حسن وحسن زيه زي عيالي أضمنوا برقبتي وسر يعني محدش يقدر ياخد معاه لا حق ولا باطل 
دره طيب وسونه 

بكر عشان نفس السبب لا مها ولا دعاء ينفعوا دعاء اختي ولخمه عبدالله هيقفشها بسهوله مها بقي ممكن من كتر ما هي مش طايقه يوسف تروح تديله بحاجه علي راسه
ضحكت دره ڠصب عنها 
بكر بإبتسامه اه والله وطبعا نبيله و بلبله صعب وكل دول وارد يوسف يجي اي وقت و يلمحهم مع العيال في الاوضه و هيقفشهم لكن سونه لا اولا جدعه وبميت راجل و هتعرف تتصرف من الاخر هتنفعنا 
دره طيب تمام اللي تشوفه المهم محدش فيهم يغلط لا قدامه ولا قدامهم
بكر قولتلك
سونه خير يارب في ايه يابكر
بكر ياستي تعالي بس اقعدي هنقولك 
قعدوا قدامه الاتنين وبصوله بترقب 
بصت دره لبكر بمعني اتكلم انت
بكر بصوا من غير مقدمات لان مفيش وقت معانا خالص لو قولتلكم اننا محتاجين مساعدتكم او بمعني اصح دره محتاجه مساعدتنا كلنا 
حسن طبعا معاكم مش محتاجه سؤال 
سونه رقبتي يا بكر ليك و لدره قولولي بس الحكايه وسيبوا الباقي عليا 
بكر حلو اوي وانا عارف يا سونه عشان كده اختارتكم بصي يا ستي 
انا هنحكيلك الحكايه بإختصار وفي السريع 
سونه سمعاك 
بدأ بكر يحكي الحكايه بسرعه چاك قالها ايه و يوسف قالها ايه وايه اللي يوسف بيخططله وايه اللي هما بيفكروا فيه وكلام كرم مع بكر وليه بكر اختارهم 
بكر انتوا كده عرفتوا كل حاجه
سونه احيه علي راجل واطي بصت لدره بسرعه يقطع لساني اللي عامل زي الدبش معلش يا دره مهما كان ده ابو ولادك بس صراحه دمي اتحرق 
دره بإبتسامه لا يا سونه خدي راحتك 
سونه عموما انا معاكي وفهمت كل اللي بكر قاله واللي المفروض نعمله ومتقلقيش هنزود شويه من عندي كمان
بكر لا تزودي ايه بلاش تجويد يا سونه الله يباركلك عشان الخطه تمشي تمام 
سونه الله اهو التزويد اللي عندي ده ممكن يكون بالخطه كلها 
دره استني يابكر خلينا نفهم قولي يا سونه 
سونه بصي يا دره مفيش راجل لا مواخذه مبيريلش علي النسوان
ويوسف ده طلع منهم بيتهيألي احنا نمسك في كلام بكر ان طول ما هو موجود لا نيجي ناحيه الاوضه ولا نقرب منكم من الاساس وكل شغلي هيكون بره وراه هو بمعني اصح بس لو حصل وسمعته بيتكلم مكالمه مش مريحه وبيذكر اسم دره وقتها هنعرفوا اني نعرفك ومن منطقتك ومش بس نعرفك ده انا نطيق العماء ولا نطيقك واي حاجه يعوزها انا في الخدمه أدام اللي هيعوزه ده يضرك 
بكر يا بنت اللعيبه ايه الدماغ دي اشتريت 
سونه احيه عليا لا متستهونش بدماغ الاسكندرانيه احنا معلمين مش اي كلام
دره انا الفكره عجبتني و لو حظنا حلو يوسف يغلط ويتكلم في المستشفي عشان عارفه انه لو ناوي علي أذي هيعجبه الاتفاق خصوصا انه لما يعرف انك بنت منطقتي هيلاقيها فرصه عشان توصليله كل خطواتي بس بردوا يا بكر انا مش عابزه سونه تتعرض لأي اذي يوسف ذكي 
بكر متقلقيش زي ما عيني هتكون عليكي هتكون علي سونه 
سونه ايووووه وهي سونه يا اخويا انت وهي يتخاف عليها ده يوم ما يفكر يجي جنبي تبقي امه دعت عليه صوت واحد مني وسط الشارع ونسمعوا اجدعها ربع
دره بأبتسامه اسمعيني يا سونه الفكره مش في الصوت العالي ولا الربع اللي هتسمعيهوله يوسف ذكي انا عاشرته الراجل ده عشان يوصل لاي حاجه في احلامه اللي كان عايز بحققها كان بيقدر يكون سياسي للبعد حد ممكن تتخيليه يقدر يتلون بمېت وش شويه اقنعته في الشغل كانت كتيره اوي بين الضعيف والقوي المتسامح الوصولي المستبد الدكتاتوري المتنازل واوقات الكتير السماوي 
كنت سعات بنقوله انا اوقات لما بشوفك بتتحول بالشكل ده بنخاف منك كان يقولي الناس هنا طبعاعا غير وكل واحد ليه طريقه تتعاملي معاه بيها و البيزنيس محتاج انك تتحولي طول الوقت
مش هنكر ان دماغه كانت بتعجبني بس النقطه دي بالذات كانت بتقلقني منه وده قبل اي مشاكل اعرفها بس تقريبا انا مكنتش واحد بالي ان دي شخصيه يوسف وانا اللي هبله 
عموما لازم تاخدي بالك يا سونه يوسف ميضمنش 
سونه وحدي الله و سبيها علي الله وعليا لو هو مش سهل فا اللي وقع معاهم دماغهم تربيه شيطان ولا ايه يا بكر 
بكر مفيهاش ايه طبعا ولا هيسلك معانا 
حسن طيب انه ايه قصتي في اليوم ده اني نراقب تحركاته بس 
بكر هنسلمه لبعض يا حسن بس كمان هتبقي زي سونه احنا منعرفس زيارته دي هتبقي الاولي ولا الاخيره بس لو كررها تاني لازم ميعرفش انك مننا صحيح يا دره هو يعرف حسن شافه يعني في اي صور 
دره لا خالص اطمن ولا كان بيهتم بالحجات دي اصلا
حسن طيب كويس بس لو هو قعد اكتر من كذا يوم لازم تتأكدي انه فعلا كداب لانه قالك انه معرفش دينا دي انه رايح شغل كام يوم في الامارات لو فضل اكتر من كده يبقوا مخططين
لكل حاجه مع بعض وهو بيرسيها اول بأول علي اي جديد 
دره وانا واثقه ان ده اللي هيحصل 
بكر چاك بقي ده كمان همته معانا بس من هناك عايزين نبقي مقفلين عليهم كل حاجه 
دره اطمن چاك من البدايه وهو بيعمل كده المهم عيزاكم تخلوا بالكم أرجوكم حسن عينك تبقي علي سونه 
حسن اطمني متقلقيش عليها 
بكر يلا خلينا نطلعوا بقي وانت يا حسن هتخفي شويه عايزك تبقي في الطرقه عند الاستراحه وعينك تبقي علي الاوضه من بعيد لحد ما تتأكد انه وصل
حسن تمام لو امي ولا ابويا سألوا عليا قولوا اني قاعد شويه بنطمنوا علي منكش 
بكر تمام يلا بينا 
دره طيب معلش اطلعوا انتوا وخلوا معايا سونه شويه 
بكر تمام يلا يا حسن 
خرج بكر وحسن وفضلت سونه قاعده قدامها قامت دره وقعدت في الكرسي اللي قدامها 
دره سونه انا ااا بصراحه انا مش
عارفه ابدأ الكلام ازاي بس
سونه في ايه يا دره مالك ما تبدأي يا اختي من اي مكان انجزي اللي ما يتسمي ده زمانه جاي
دره ابتسمت ڠصب عنها وارتبكت طب خلاص خلينا نتكلموا وقت تاني
سونه لا هنتكلموا الوقت يا دره وزي ما قولت لبكر من شويه متستهونش بدماغ الاسكندرانيه هنقولهالك يا دره عشان انا فاهمه كويسه ايه اللي قلبك عايز يقوله ولسانك مش عارف ينطقه كلامك يخص كرم يا دره مش كده 
بصتلها دره پصدمه وتأثر وبعدين هزت راسها
دره سونه انا اسفه بجد مش عارفه اقولك ايه سونه انا يمكن زمان محبتش كرم او مقدرتش احس بحبه و أبادله نفس الشعور ولما رجعت 
سونه بإبتسامه ضعبفه وحزن باين في عينها حبتيه يا دره صح
دره ڠصب عني يا سونه يمكن شعوري ده لا عيب ولا حرام بس كمان انا عارفه اني جيت عليكي عشان انا عارفه انتي قد ايه حبيتي كرم بس والله يا سونه انا لما نزلت مصر مكنتش اعرف انك بتحبيه ولا اي حاجه من اللي في قلبك ناحيته يعني مكنتش قاصده اسړق قلب كرم ولا كنت عارفه اني ممكن نرجع نحب الشخص اللي زمان مكانش في قلبي اصلا
سونه انتي مسرقتيش قلب كرم يا دره لما رجعتي انتي سرقاه من زمان اوي وكمان انتي مجتيش عليا اسمعي يا دره لو مكنتيش قولتي الوقت انك عيزاني كنت اكيد هنيجي نتكلم معاكي 
مش هننكر يا دره ولا هنتكسفوا منك اه انا حبيت كرم وحبيته اوي كمان وانتي عارفه ان الحب ده مش حاجه بأيدنا انا عشت سنين بنحاول نوصل لقلب كرم بنحاول نوصله قد ايه بنحبه بس معرفتش عارفه معرفتش ليه دره 
دره بدموع ليه
سونه عشان انا قولتلك الحب مش بأيدنا زي ما كل الخلق كانت تعرف ان كرم بيحب دره وانتي الوحيده اللي مكنتيش حاسه بحبه ده عشان قلبك كان مع غيره
زي ما برد ا كل الخلق قدرت تعرف وتحس ٤د ايه سونه بتحب كرم بس كرم الوحيد اللي مكانش حاسس عشان بردوا قلبه كان متعلق بغيري اللي هو انتي يا دره 
الحب ده عامل زي الدايره كلنا بنلف فيها يا دره بس كل واحد واخد اللفه اللي مرتاح فيها وكلنا خدنا لفه مختلفه عن بعض كل واحد فينا كان فاكر ان دي الحاجه المناسبه ليه واللي هتريح قلبه بس كلنا تعبنا واتوجعنا 
بس في حاجه مهمه يا دره انا اكتشفتها من كام بوم واتأكدت منها بعد الحاډثه وانتي عشان ترتاحي لازم تعرفيها 
مسحت دره دموعها وبصتلها حاجه ايه
سونه انا لما حبيت كرم واتعلقت بيه ومهمنيش سمعتي والتلسين عليا وسط الخلق حقيقي انا حبيته بجد بس لازم تعرفي اني اكتشفت ان حبيت كرم من حبه ليكي حبيت كرم من إخلاصه لحبك كرم بالنسبالي كان حاله خاصه وغريبه عليا يعني ايه راجل يحب بجد ويفضل عايش علي حبه القديم و ميدخلش ست قلبه بعدك يعني ايه واحد زي كرم مفيش ست تقدر تكسب قلبه
كرم خلاني احبه بسبب حبه ليكي انتي يا دره كرم عمره ما كان ولا هيكون لا ليا ولا لأي ست في الدنيا هو من زمان قلبه ركن عند قلبك وكان مستني بس قلبك يفتحله يعني لا رجوعك ولا حتي حبك ليه هو اللي جه عليا ولا حتي كرم جه عليا يا دره هو من البدايه مكدبش عليا
انا اللي علقت روحي بحبال دايبه متعلق فيها غيري مش هنكدب عليكي البي خلاني نحب كرم كان نفسي نكون مكانك يا دره كان نفسي ناخد كل الحب والاهتمام ده كان نفسي احس اني ليا لازمه مع راجل بيحبني بجد انا كل مره كنت بنتجوز كنت بنحاول نلاقي اللي في كرم عند غيره بس ڠصب عني مكنتش بنلاقي كان فيهم ناس محترمه بس مكانش فيهم اهم حاجه يا دره الحته اللي تخلي قلبك يدق ڠصب عنك مكانش فيهم الحته اللي تلفت نظرك وتخطفك الاحترام والحنيه والمعامله الطيبه حاجه مهمه في الجواز بس الحب محتاج تفاصيل تانيه اهم ودي انا ملقيتهاش ويمكن انا لاول مره بنعترف ان حبي لكرم كان محاوله اني اسړق كل الصفات دي و اخليها ملكي انا بس مقدرتش اقولك علي سر يا دره 
دره قولي يا سونه
سونه بدموع انا اوقات كنت بنحس اني بنحب كرم اكتر من اي حاجه في الدنيا اكتر من بنتي نفسها لما عرفت ان سماح وحسن بيحبوا بعض كنت هنتجنن يومها سماح قالتلي لو كان محمد او احمد كنتي وافقتي عشان تبقي قريبه من كرم قولتلها مستحيل الني سعادتي علي حسابك انتي فاهمه غلط بس هي كانت صح يا دره لو كانت