ابن ليل أميرة أسامة

مكسرات وفي هنا قهوه سخنه للي حابب يظبط دماغه قبل ما نبدأ العرض يعني لزوم التسليه 
بصولها التلاته وضحكوا ڠصب عنهم 
بكر مصېبه انتي يادره 
دره احيه يعني منعملش حساب القاعده
حسن بضحك وانا اللي فاكر ان الشنطه فيها ادوات طبيه وهتعملي عليه نمره انك هتقطعيه وهو صاحي انتي طالعه رحله يا دره
دره بضحك يعني اسيبكم من غير اكل و مايه تبقي عيبه في حقي بس متقلقش معايا شويه حجات نروق عليه بيهم
سونه طب ما تجيبي مايه يا اختي ريقي نشف من الخۏف 
دره بإبتسامه أمسكي
حدفتها دره من بعيد مسكها حسن فتحها واداها لسونه 

دره بكر عايز قهوه
بكر بضحك وهو بيهز دماغه بقلة حيله ياااااريت
ضحكت دره وحطتله في كوبايه وراحت ادتهاله وبعدين رجعت
مسكت ازازه من تحت يوسف فتحتها وبدأت ټغرق كل جزء فيه بالعسل ومسكت التانيه خلصتها عليه بقي واقف ينقط عسل من كل حته
شالت بهدوء القطعه الفخار وحطتها قدامه
بكر من بعيد وهو قاعد وبيشرب قهوه وبيصور ابتسم
بكر دره المنحل ده لو فكرتي تفتحيه كلنا هنتروق مش هو بس 
دره بإبتسامه وهي رافعه حاجبها مش لما يكون في نحل ده شو لزوم العرض يا بروف
بكر بضحك انا قولت مصېبه محدش صدقني 
دره انا مصدقاك و معترفه بمصايبي بس بنقول ايه بقي ممكن خمسه هدوء عشان نبدأ العرض بتاعنا 
بكر انا قاعد علي الكرسي بنصور وبنشرب قهوه ومفيش هدوء اكتر من كده 
دره براڤو حسن وسونه خليكم قاعدين لحظه لحد ما نقولكم اتحركوا
حسن بضحك تمام يا مصېبه
سونه بضحك فينك يا ولا يا منكش تيجي تشوف الكاميرا الخفيه اللي علي حق
راحت دره قربت من شنطتها مسكت أزازه رست منها علي قطنه وقربت بهدوء من يوسف
حطتها علي مناخيره واول ما حست انه بدأ يفوق رجعت وقفت وراه مع سونه وحسن 
يوسف ااااه ااااه فتح عينه بضعف النور بتاع اللمبه كان عامل إنعكاس علي ايده حاول يشوف ايه اللي قدامه ده فتح عين وغمض عين 
لمح بكر بيبتسم إبتسامه تشفي وهو بيصور وبيعمله باي باي بايده
فتح يوسف عينه بسرعه وفضل يبص حواليه من غير ولا كلمه وبعدين بص لبكر
يوسف اااااا انت انا عارفك شوفتك في المستشفي انت بتعمل ايه هنا ورابطني كده ليه
بكر بهدوء متستعجلش العرض لسه في اوله وتلخيص الاحداث مفيهوش متعه متعة المشاهد في التفاصيل
يوسف تفاصيل ايه وعرض ايه بقولك فكنيييييي حسسسسين سونه
هزت دره راسها ليهم خرجوا من وراه 
حسن يا ناااااااعم
ازيك يا باااااشا ليك وحشه والله بقالي عشر دقايق مسمعناش صوتك 
سونه بلا نيله يعني هنسمع العندليب
بصلهم يوسف پصدمه وعدم تصديق حس ان دماغه وقفت
حسن ايه ياعم سكت يعني القطعه كلت لسانك ولا ليه ما كنت قاعد تصيح من شويه وبعدين اقفل بوئك اللي فاتحه علي الاخر
ده انت بتنقط عسل من كل حته واخاڤ المحل يدخل بوئك
يوسف ااااا هو في ايه ايه اللي بيحصل انا مش فاهم انتوا بتعملوا ايه هااااا ده كمين طب ازاي فكوني احسن اوديكم في ستين داهيه
سونه متستعجلش يا باشا الداهيه جايه جايه بس احنا مش معاك فينا
يوسف طب ازاي انتي يعني افهم من كده انك متفقه عليا مع دره
سونه غربتك يا باشا السنين اللي فاتت في بلاد الاجانب نسيتك ان الاسكندرانيه الجدعان لو واكلين في بعض يوم ما واحد فيهم يقع في ضيقه بينسوا اللي بينهم في لحظه وبيرموا روحهم في الڼار عشان بعض وانا ودره زي الفل مفيش بينا اي حاجه وحشه
كنت فاكر اني ممكن نبيع بنت حتتي لواحد زيك احييييييه فشرررررت انت و البلد اللي انت جاي منها يا نص راجل
يوسف انتي عارفه انتي بتعملي ايه وبتلعبي مع مين
حسن انت بتهددها ولا ايه 
سونه هنكون بنلعب مع مين يعني اتقل وانت تشوف لعب الأسكندرانيه اللي علي حق ده احنا هنلعب فيك لعبه تخليك كل ما تفتكر اليوم ده تلف حوالين روحك 
حسن بضحك عيب يا سونه الاخ لسه صغير عالكلام ده
يوسف طب هي وفهمنا موقفها انت ازاي بقي معاها تعرفها منين ده انت حتت سواق يالا وانا اللي طالب منك تساعدني 
في الوقت ده ظهر صوت دره وهي بتمشي بخطوات هاديه من غير ما تبص عليه 
دره عشان مغفل يا چووو
يوسف دره
دره اممممم دره بس مش الطيبه اللي انت لسه مسمعها كلمتين عن غبائها وطيبتها وانها مش قدك 
تؤ تؤ تؤ اللي قدامك دي واحده جديده لانج عليك
بكر بضحك العببببب
قربت دره من التربيزه مسكت السخان اللي فيه القهوه حطت بكل برود في الكوبايه ومسكت واحده شوكولاته وسحبت كرسي تاني قعدت علي واحد و فردت رجلها علي التاني
دره وبما انك خدت لقب مغفل عن جداره فا احب اجاوبك علي سؤالك يا مغفلللللل
حسن حبيب عمته يبقي حسن عبدالله زكريا الجمال ابن اخويا 
يا چووزززز
جحظت عين يوسف وبص لحسن پصدمه ابتسم حسن وهز راسه وهو بيغمزله 
اما سونه فا زي ما قالتلك بنت حتتي متربين سوا اختي اه و بالمناسبه باركلها اصل حسن ابن اخويا طلب ايد بنتها
اما بقي الاستاذ بكر
يبقي عشره عمري اخويا وجوز صاحبة عمري اخت كرم انت عارفه اللي علم عليك في المستشفي وبكر يبقي توأمه ومش بس كده يبقي توأم اخويا عبدالله ومش بس كده بكر يبقي خال حسن اصل بكر اخو مرات اخويا
دي لفه كبيره وانت غبي مش هتعرف تستوعبها من الاخر كده يا چووووو احنا عيله واهل وانت واحد دخيل علينا ومنقولكش بقي الدخيل علي العيله لما يجي علي حد من العيله دي بيتعمل فيه ايه
يوسف ھقتلك يا دره وديني ھقتلك 
دره ياراجل خلي حد غيرك يقول الكلمه دي أيش حال ان مكنتش واقف عامل زي الفرخه اللي محطوطه في سيخ ومستنيه 
الشوايه تتفتح عليها 
حسن بضحك لا حلوه 
بكر لا وبيقولك ايه يا دره ان العسل مع المشويات بيدي تيست عالي اوي 
دره بإبتسامه انت هتقولي يا بكر
ولا لما المنحل ده بقي يتفتح ويخرج منه العسل يخدم عليه مش هياخد وقت في التسويه
بص يوسف علي نفسه وبعدين بصلها پصدمه وبدأ التوتر يبان عليه 
يوسف انتي عايزه ايه يادره اللي بتعمليه ده غلط هتروحي في ستين داهيه انتي بتتعدي علي مواطن امريكي وطبعا مش محتاج اقولك الباقي
دره لا متقلقش اصل بعد ما النحل يخلص عليك اللي باقي منك شويه مركبات بسيطه ثواني ومش هيكون ليك وجود نسيت يا چو اني دكتوره وبالنسبه للمواطن الامريكي ده مش عايزه اقولك حط الجنيسه فين ياچوو
يوسف صدقيني هتروحي في داهيه يا دره
دره لو هروح وانا واخده حقي يبقي يامرحب بأي داهيه وبلاش والنبي تتكلم عن الجنسيه والكلام اللي مبيأكلش عيش ده الجنسيه معايا و مرميه في الدولاب في البيت انا معايا جنسيه اهم واعظم 
انا ست مصريه اسكندرانيه جدعه طيبه لأبعد حد ممكن تتخيله لدرجه اني بتلقب بالهبله بسمع اللقب ويكون مبسوطه بيه لكن لما اللي قدامي يستخف بعقلي بتحول من إسكندرانيه طيبه وهبله لإسكندرانيه شيطانها ابن حرااااااااام وربنا يكفيك شړ الإستخفاف بعقل ست مصريه إسكندرانيه يا چووووووووو
بلع يوسف ريقه بقلق وقلبه دق پعنف مش قادر يصدق ان دي دره
يوسف عايزه ايه يا دره
دره شششششششش انت هنا متسألش انت تسمع وبس والوقت سيبني بقي نشرب
القهوه اصل القهوه لما بتبرد مبيبقاش ليها طعم ولا تأثير علي خلايا العقل
فردت دره رجلها وبدأت تشرب في قهوتها بكل برود وهو واقف قدامها عينه عليها وعليهم
طلع حسن فوق التربيزه وربع رجله ومسك كيس المكسرات ياكل منه وسونه راحت وقفت جنبه قلعت عبايتها كانت لابسه بنطلون چينس وبدي أسود وشكلها حلو اوي
سونه سندت ضهرها علي التربيزه اللي قاعد عليها حسن وبصتله حطلي قهوه يا ولا عشان نعدل مزاجي العرض شكله هيسخن 
بكر كان باصص عليهم وبيحاول يكتم ضحكه 
خلصت دره قهوتها وحدفت الكوبايه من ايدها وقامت وقفت بص عليها يوسف بترقب
سحبت الكرسي بكل
هدوء صوت احتكاكه بالارض كان بيزيد توتر يوسف حطت الكرسي وراء الفخار بتاع النحل بخطوتين
وقربت من الشنطه اللي جنب حسن وسونه خدت منها مشرط
وراحت قربت من الكرسي وقعدت عليه بالعكس وسندت أيدها علي 
ضهر الكرسي وبصت ليوسف
قام بكر من مكانه وقرب منهم شويه وقف وراء دره عشان الصوره تكون اوضح 
دره قولت لحسن اني لسه علي زمتك وان ولادي ماتوا واني سيبتك لما عرفت انك مش بتخلف وهربت بكل فلوسك
قولت لسونه اني غدرت بيك من غير سبب وطلقتني ڠصب عنك وانت ياحرام بتحبني وقررت تسمع كلامي عشان بس نهدي وبردوا اتفاجئت اني هربت بفلوسك الحدوته المشتركه بين الحدوتين اني هربت بفلوسك
لا والحدوته الاغرب يا چو اللي حكيتهالي انك متورط وشغل مستثمر شمال وكلام عبيط ميخرجش غير من واحد اهبل
غبييييي عامل زي الثور اللي مربوطه عينه وماشي يلطش في اي حاجه فكرت روحك ذكي وهتعرف تكسبهم بس افرض ان لعبتك كانت مشيت صح وحسن وسونه معاك فعلا معملتش حسابك لما تيجي وتتكلم معايا قدامهم وحسن يعرف اني مش علي ذمتك وان بناتك اللي قولت عليهم ماتوا عايشين حكايه غلط 
مش يمكن كان ضميره صحي واعترض كنت هتعمل ايه هتقتله عشان تضمن سكوته
ديما واكل الحق مبيعرفش يحط خطه كامله بس صاحب الحق بينفذ خطته بدون اي غلطه 
للأسف يا چوووو جلت منك اهم حاجه ان دره الجمال حافظه دماغك وتفكيرك وردود فعلك اكتر بكتير ما انت عارف نفسك و عارفها كنت فاكر دره هتيجي معاك وهتعرف تسيطر عليها بس للاسف رسمت خطه وسبقتك بألف خطوه لدرجه مش هتصدقها 
ياچووووو حتي خطتك مع سونه وحسن انا اللي حطتها وانا اللي كنت بقول ردك قبل ما انت تقوله
انا اللي كنت بقول هتكتبلهم ايه في رسايلك قبل ما تكبته يا راجل ده انا لو كنت متحكمه في خلايا عقلك مكانتش هتظبط معايا للدرجه دي كنت بقولهم هتعملوا كده وهو هيقول كده وحصل 
وبقيت متحكمه في خطتك وخطتي لدرجه انهم فكروا انك ممكن تجيب ناس ورجاله بفلوسك تأمن المكان اكتر قولتلهم لأ
ده أخر چووووو عشان تفكيره محدود وهدفه واضح التنازل وبس عن حقي بس اناااا هدفي كان اكبر من هدفك بكتير اولهم ان خطتي تتنفذ بالحرف من غير اي غلطه و بعدين افكر في هدفي الاساسي 
يوسف سبيني امشي يا دره ولو علي القضيه متتنازليش ولو علي حقك يا ستي مستعد نديهولك بس خلينا ننهي اللعبه دي بطريقه متحضره
دره هو في تحضر اكتر من كده ده انا راشه عليك عسل نحل بيور مش جاز ولا بنزين 
يوسف دره لعبه الاڼتقام والخيانه والغدر مش طبعك بلاش غضبك مني يعميكي
دره بضحكة سخريه انت اللي بتتكلم عن الغدر والخيانه يا راااااااجل سيب غيرك يتكلم عنهم وبعدين انت المفروض تكون فخور بيا انا تلميذتك
بس قالوها زمان اوقات كتير التليمذ بيتفوق علي استاذه وانا جايه انهارده عشان اتفوق عليك يا استاااااذي
يوسف قولي طلباتك يا دره
دره فتحت شنطتها اللي علي وسطها طلعت منها علبه سجاير وولاعه
بصولها كلهم پصدمه وبصلها بكر پصدمه تفطس من