ابن ليل أميرة أسامة
المحتويات
مش عايزه امشي واسيبك خلينا نفضل مع بعض زي ما كنا طول عمرنا قالي سافري مع مامي يا ديما ولازم تتقبلي اللي حصل عشان مفيش حاجه هتتغير خلاص واقبلي بحياتك الجديده
نزلت دموع دارين ودانه بوج ع
حضنتهم دارين بحزن وحاولت تهديهم
دارين يمكن اللي قاله ده يوجع يا ديما بس صدقيني هو معاه حق لازم نقبل بحياتنا الجديده ولازم نفضل مع بعض ونفضل جنب مامي على قد ما نقدر مامي موجوعه يا بنات اوي واللي بابي عمله معاها مش سهل لازم نتحمل المسؤوليه وبلاش نضغط عليها اكتر صدقوني اللي حصلها منه مفيش ست تتحمله
دارين لا صدقي يا ديما عشان ده الواقع بابي اتغير اسبوعين بس عمل فيهم حجات كتير عمري ما كنت اتوقع انه يعملها انا كنت اقرب حد لبابي بس انا بقولكم مش هو ده بابي اللي اعرفه البرود اللي حصله من اسبوعين من ناحيتنا كلنا ضيع فيهم السنين الحلوه اللي كنت بشوفها معاه ضيع كل ذكرى حلوه جمعتنا سوا
دارين مامي اتحملت عشانا يا دانه طول عمرها مش بتحب تضايقنا ولا تدخلنا في اي مشكله عمرها ما بينت انها زعلانه من بابي يمكن عشان كده انا مصدومه مامي حاولت تبان سعيده قدامنا عشان حياتنا تفضل هاديه ومستقره ضغطت على نفسها عشان نبقى عيله سعيده
دارين عشان كده يا بنات لازم نحاول نهدأ شويه بلاش نضغط عليها وبلاش نحسسها اننا مضايقين على الاقل بس نستنى شويه يمكن الحياه الجديده اللي احنا خايفين منها تعجبنا اكتر من حياتنا في امريكا وبلاش تنسوا ان لما مامي اتكلمت معانا وقالت انها مش حابه تجبرنا على السفر والعيشه في مصر بابي نفسه اعترض وقال اننا هنفضل معاها واننا مش هينفع نفضل معاه
دارين خلاص انسوا وامسحوا دموعكم دي مش عايزين مامي تشوفنا وتضايق
بصوا بهدوء عليها كانت قاعده قدامهم لوحدها وهما الثلاثه وراها جنب بعض
كانت سانده راسها على الشباك الحزن باين على وشها وفي دنيا تانيه خالص شارده و بتفتكر في اللي حصل من اسبوعين
خرجت دره من البروڤا بعد ما اختارت كام فستان عجبوها وراحت عشان تدفع الحساب
ابتسمت دره للشاب اللي واقف سألها هتدفع كاش ولا ڤيزا قالتله هتدفع ڤيزا وطلعتها ادتهاله
الشاب خدها منها وكتبت هي الباث وورد لكن كانت فاضيه
الشاب اسف الڤيزا مفيهاش حساب
دره بإستغراب ازاي لا اكيد في حاجه غلط
الشاب طيب جربي تاني يمكن الباث وورد غلط
دره طيب جرب الڤيزا دي
خدها منها الشاب وبردوا مكانش فيها حساب طلعت تالت ڤيزا وهي مصدومه مش فاهمه في ايه ولا ايه اللي حصل للڤيز بتاعتها للحظه فكرت ان في عطل حصل في حساباتها او غلطه من البنك
الشاب للاسف الڤيزا دي كمان مش شغاله
وقفت دره ثواني بتحاول تستوعب او تفهم لكن مكانش في اي سبب مقنع في دماغها وقررت ترجع للبنك تفهم في ايه
دره طيب سوري انا مضطره اسيب الفساتين لحد ما ارجع البنك وافهم في ايه
الشاب تحت
امرك
خرجت دره من المحل وهي مزاجها مش تمام وراحت على العربيه بتاعتها بسرعه كان المطر شغال
والتلج نازل
ركبت بسرعه وبعد ما ركبت اتصلت بالبنك تبلغهم بالخطأ اللي حاصل في الڤيز بتاعتها
وكانت الصدمه لما سمعت من موظف البنك بعد ما كشف عن حسابها ان الڤيز اتوقفت
دره اتوقفت ازاي مستحيل اكيد في حاجه غلط
الموظف للاسف يا افندم ظاهر قدامي انه تم سحب الفلوس كلها من حسابك وتحويلها على حساب اخر
دره پغضب انت بتقول ايه مستحيل طبعا انا معملتش كده شوف مين اللي سحب المبلغ ده فورا
الموظف خليكي معايا لحظه
استنت دره ثواني وهي هتتجنن ومش مستوعبه اللي بتسمعه
دقايق بسيطه ورجعلها الموظف
الموظف ايوه يا افندم الفلوس اتسحبت عن طريق مستر يوسف احمد الصديق
للحظه حست دره ان كل حاجه وقفت من حواليها
دره پصدمه انت بتقول ايه من فضلك اتأكد مره تانيه اكيد في حاجه غلط
الموظف خالص يا افندم المعلومات قدامي مظبوطه تم السحب من حسابات حضرتك بالكامل من اربع ايام بالظبط وفي كمان رساله اتبعتت لحضرتك
دره رساله ايه انا مجاليش حاجه وازاي اصلا يتسحب كل فلوسي من غير ما تتصلوا تبلغوني
الموظف حضرتك مستحيل اي حاجه تتم من غير موافقه حضرتك واكيد تم تبليغك عن طريق اي موظف
دره بقولك محدش اتصل بيا ولا جالي اي ماسدچ
الموظف في الحاله دي يبقى السحب تم عن طريق توكيل عام
دره بشرود توكيل عام لا مستحيل
الموظف تقدري تشرفينا يا افندم بنفسك
دره پصدمه طيب انا هرجعلك تاني
قفلت دره مع الموظف وبسرعه طلعت على الڤيلا بتاعتها كانت حاسه ان في حاجه غلط مش قادره تصدق ولا فاهمه ليه جوزها عمل كده وليه مقالهاش
وصلت دره على الڤيلا كان يوسف قاعد في الجنينه وحواليه البنات كل واحده ماسكه موبايلها
دارين مامي وصلت
دانه اخيرا انا هم وت من الجوع
نزلت دره من عربيتها بعد ما ركنت حاولت تكون هاديه وابتسمت عشان البنات
ديما حمد الله على السلامه يا مامي كل ده
دره معلش يا حبيبتي كان عندي كام مشوار كان لازم اخلصهم
دارين مش قولتي هتعملي شوبينج مجبتيش حاجه ولا ايه
دره بهدوء تحسد عليه ملقتش حاجه عجباني
ديما طيب ممكن ناكل بقى عشان ھنموت من الجوع
دره طيب تمام حد فيكم يقول لكاتيا تجهز الغداء عشان انا عايزه بابي في كلمتين
دانه ايه وحشك
دره بنت
يوسف بابتسامه ايه خير يا دره
دره تعالى معايا يا يوسف
يوسف طيب يلا يا بنات جهزوا السفره وخلوا كاتيا تجهز الاكل لحد ما اشوف مامي عايزه ايه
دارين اوك يا بابي
طلعت دره على اوضتها ويوسف وراها
دخلت الاوضه وفضلت راحه جايه پغضب ثواني بسيطه ودخل يوسف وراها وقفل الباب
يوسف خير يا دره في ايه
وقفت دره وبصتله
دره يوسف انت سحبت فلوسي اللي في حسابي بالتوكيل اللي معاك
بصلها يوسف بإرتباك وسكت
دره ما ترد يا يوسف ساكت ليه
يوسف بإرتباك طيب ممكن توطي صوتك وتهدي وانا هفهمك
دره اوطي صوتي انت بجد عملت كده طيب ليه وازاي وامته وليه مقولتليش اصلا
يوسف في ايه يا دره للي حصل ده كله فلوسك في الحفظ و الصون اكيد هرجعهملك وبعدين من امته في حاجه اسمها فلوسي وفلوسك
دره من وقت ما عملنا البيزنس بتاعنا مع بعض ودخلنا شړاكه بالنص يا يوسف وبعدين حتى لو انت محتاج فلوس ليه معرفتنيش انك محتاجهم وليه خليت منظري زي الزفت وانا بشتري اللي عيزاه وبتفاجئ ان كل الڤيز بتاعتي الرصيد فيها صفر
يوسف انتي خرجتي من غير ما اعرف انتي رايحه فين لو كنتي قولتي كنت عرفتك بس انتي قولتي رايحه لدينا صاحبتك
دره بقى هو ده كل اللي همك يا يوسف اني مقولتلكش يعني انت مستني اني اقولك عشان تعرفني انك سحبت كل فلوسي
يوسف بصوت عالي نسبيا يوووووه فلوسي فلوسي في ايه يا دره
دره لا انت متعليش صوتك مش مسموح اصلا متبقاش غلطان وكمان بتزعق
يوسف كل ده عشان فكرت اننا واحد ولما احتاج يبقى انتي اول واحده تقفي معايا
دره تعرفني تتكلم معايا تسألني لكن متتصرفش من دماغك يا يوسف
يوسف ليه احنا مش واحد
دره اوك يا يوسف يعني لو انا مكانك وبدلنا الادوار واتفاجئت ان انا اللي عملت كده هتبقى عادي
يوسف لو محتاجه الفلوس زي ما انا محتاجها اكيد مش هضايق لاننا واحد
دره ايووااااا انا بقى عايزه اعرف انت محتاج الفلوس في ايه
يوسف ااا ااعادي سيوله للشغل مش اكتر
دره سيوله ايه دي اللي الشغل محتاجها يا يوسف ما انا معاك بشتغل في الشركه وانا اللي مسؤوله عن الحسابات وميزانيه الشركه كلها
وعارفه ايه اللي داخل واللي خارج ومعنديش اي علم ان في سيوله ناقصه الشركه فيها رصيد كافي سنتين قدام لاي سيوله
يوسف ماهو انا كنت عاملهالك مفجأه انا وسعت الشغل يعني في فكره كده اتعرضت عليا من مستثمر ومحتاجه سيوله عشان كده خدتهم
دره ومخدتش من رصيدك ليه وليه مخدتش الرصيد اللي موجود في الشركه توسع بيه وليه اصلا انا معنديش علم بالتوسيع اللي بتقول عليه ده وحصل امته لما انا معاك يوميا
يوسف لا لحظه بس انتي بټخونيني يا دره ومش مصدقه كلامي
دره انا عمري ما خۏنتك يا يوسف والدليل اني عملالك توكيل عام عشان تقدر تنوب عني في اي حاجه تخص الشغل من غير ما ترجعلي
يوسف طيب وده اللي حصل اتصرفت من غير ما ارجعلك مضايقه ليه الوقت
دره لا انت فاهم غلط التوكيل ده لتخليص اوراق لتخليص اي حاجه تخص الشغل عشان اي ظرف يحصل تعبانه مسافره ولا اي حاجة تانيه وانت مضطر تكون مكاني متبقاش عطلان على وجودي لكن مش عشان اتفاجئ انك مصفر حسابي يا يوسف ده انت حتى مهانش عليك تقولي او تديني كاش في ايدي وسيبتني اخرج على عمايا من غير ولا مليم
يوسف دره متكبريش الموضوع انا قولتلك فكرتك روحتي لدينا
دره مكبرش الموضوع انت شايف الموضوع بسيط بجد يا يوسف
يوسف انتي عايزه ايه الوقت يا دره لو على فلوسك زي ما قولتلك في الحفظ والصون بس انا حاليا مش هقدر اديهملك عشان زي ماقولت انا شاركت مستثمر كبير وبدأنا توسيع الشغل استني عليا كام شهر تكون الدنيا ظبطت وهرجعلك كل مليم خدته واعتبريها اول واخر مره تحصل
دره بدأت امته وشاركت امته انا مش مصدقه ولا مستوعبه اللي بتقوله
يوسف تاني يا دره بټخونيني
دره خلاص اثبتلي يا يوسف
يوسف اثبتلك ايه وازاي
دره بكره في الشركه تعرفني على المستثمر ده و توريني الاوراق اللي تثبت ان في توسيع شغل زي ما بتقول
يوسف انتي مصممه متصدقنيش وميبقاش في ثقه بينا
دره للأسف انت اللي ضيعت الثقه دي يا يوسف ومش الوقت ولا بسبب الموقف ده لكن من زمان وانت عارف وخليني ساكته ويكون في علمك يا يوسف انا لو ساكته على اي حاجه كنت بتعملها فا ده عشان البنات ميحسوش بأي حاجه لكن المرادي يا يوسف انا مش هسكت لان الثقه اللي ضاعت في حياتنا كانت وضع ممكن اسكت عليه واعديه واللي بيحصل الوقت ده وضع تاني
يوسف ايه يا دره هسرقك
دره والله لو شايف ان في مسمي تاني للي عملته قولي عليه انت ساحب الفلوس بقالك اربع ايام وساكت مفكرتش تقولي وانهارده جاي تقولي انك فاكر اني رايحه لدينا عشان كده مقولتش طيب وكنت فين من اربع ايام وهي دي اصلا حاجه تتأجل
يوسف بصي يا دره انا مقدر اللي بتقوليه وعارف انك مضايقه من الموقف وحقك مش هلومك يمكن غلطتي الوحيده اني معرفتكيش اني سحبتهم من وقتها
دره لا يا يوسف انت غلطتك من البدايه لما مشاركتنيش و حكيتلي وخدت
متابعة القراءة
