ابن ليل أميرة أسامة

اللي بيرغوا 
رفاعي اه يا واطي مفيش فايده
فيك وفي لسانك الطويل 
منكش بضحك رفع ايده يلا سلام عليكم اشوفكم علي خير بكره 
الجميع عليكم السلام 
عبدالله غلبان الولا ده اوي
نبيله قطع قلبي عليه صحيح مفيش حد مرتاح علي قد ضحكه وهزاره بس وجعه من اهله باين في عينه 
دارين هما اهلوا ماتوا
نبيله لا يا بنتي ميعرفش عنهم اي حاجه اصلا ولا يعرفهم المعلم صبري لقاه مرمي في الشارع كان حتت لحمه حمرا خدوا رباه هو ومراته وكبر في وسطهم مرات المعلم ماټت وهو فضل معاه واشتغل في القهوه ومن يومها وهو وسطنا وواحد مننا 

دارين بس بيتهيألي انا سمعته قبل كده بيقول ان ليه اهله مش عارفه بيتهيألي ولا قال كده فعلا
زكريا هو لما بيتزنق بيتكلم علي انه ليه اهل مبيحبيش يبان مكسور بس هو زي ما انتي شايفه ملوش حد غيرنا
دارين يا حرام صعب عليا والله 
دره ربنا يريح باله ويعوضه كل خير 
نجوي والنبي نفسي يتجوز ويعمل عيله وبيت
دارين طيب صحيح ليه مش بيتجوز 
رفاعي مش راضي يا بنتي بيقول انه مرتاح كده مش عايز بجيب عيال وميبقاش ليهم اهل وبيقول مين هيرضي بيه وهو محدش يعرفله اصل من فصل
نبيله والنبي ولاد الحلال كتير وفي بنات وستات عايزه تعيش لو نصيبه جاله مش هيقدر يقول لا
دعاء بلبله معاها حق لو نصيبه جاله مش هيقدر يقول نفس الكلام ولا هيقدر يعترض بس لسه نصيبه مجاش 
عبدالله ربنا يراضيه هو غلبان وطيب ويستاهل كل خير
خبط الباب وهما بيتكلموا ودخل عمرو وفي ايده مريم 
كرم تعالي يا صاحبي
زكريا تعالي يا دكتور اتفضل 
عمرو معلش انا بزعجكم معايا كتير بس مريم زهقت عشان ياسين نام وقالتلي نجيبها عند ست سونه 
رفاعي كلام ايه ده بس يا ابني ازعاج ايه متقولش كده 
سونه تعالي يا مريومه
نبيله طمني علي ابنك يا ابني عامل ايه الوقت 
عمرو لا الحمد لله كنا فين وبقينا فين الحمد لله اتحسن كتير وهيخرج بكره كمان
نبيله طيب الحمد لله ربنا ما بۏجع قلبك عليه تاني ابدا
عمرو يارب
نبيله طيب وعامل ايه بعد ما عرف ان والدتك الله يرحمها
عمرو بحزن الحمد لله ربنا كرمني و عدت علي خير كنت قلقان لما يعرف يتأثر ويتعب اكتر بس عدت علي خير 
نبيله هتعدي والله ان شاء الله انت بس معلش استحمل وطول بالك في النهايه دول عيال 
رفاعي بالظبط هتتعب معاهم شويه بس اكيد انت قدها 
عمرو بحاول والله وربنا معايا وانا كنت جاي عشان نقولك يا ست سونه ان معلش انهارده اخر يوم لمريم معاكي عارف اني تقلت عليكي بس بكره بأمر الله لما ياسين يخرج هنروح مع بعض وهاخد كمان اجازه يومين لحد ما نظبط الدنيا 
سونه كلام ايه ده يا دكتور بس تقلت عليا ايه طب والله مريم هتقطع بيا بعد ما اتعودت علي وجودها وزي ما قولتلك خليها معايا لحد ما تظبط امورك حتي ياسين لو هيخرج انا ممكن ناخده سماح كمان خارجه بكره وهنبقي معاهم التلاته وهنشيلهم في عيني والله 
عمرو عارف والله بس كفايه كده خليني نقعد معاهم يومين ونعوضهم عن الايام اللي فاتت ونحاول نظبط امورنا 
عبدالله طيب انت لاقيت حد يا دكتور يقعد بيهم بعد رجوعك للشغل 
عمرو والله مش ساكت لاقيت كذا حد بس للاسف هما مش مناسبين اللي كبار في السن ومش هيقدروا علي خدمة اطفال واللي عندهم اطفال ومش مناسبهم الوقت بتاعي ومواعيدي واللي مش بتعرف تسوق فا بالتالي لا هينفع
تودي مدارس ولا دروس ولا تمارين واديني لسه بنحاول واتمني في خلال اليومين دول الاقي حد 
دره طيب ما ممكن تشوف حد يقعد بيهم في البيت ومشاوير المدارس والتمارين والدروس تشوفلهم سواق يعني اقصد حل مؤقت لحد ما تلاقي حد مناسب 
عمرو انا فكرت في كده فعلا ولو الدنيا ضاقت بيا هنعمل كده مؤقتا مفيش حل تاني 
نبيله إن شاء الله يا ابني ربنا يراضيك وتلاقي اللي بتدور عليها 
سونه وزي ما قولتلك انا مش هنضغط عليك اقعد مع ولادك ولو حسيت انك مش عارف لسه تظبط امورك انا موجوده هاتهم وملكش دعوه بيهم لحد ما تظبط امورك براحتك 
كرم احنا كلنا معاك يا عمرو واعتبرنا اهلك الموضوع مفيهوش إحراج كلنا بنشيل بعض
عمرو عارف والله ربنا يعلم انكم عملتوا معايا اللي الاهل مش بيعملوا 
كرم خلاص لو بتعتبرنا اهلك بجد يبقي زي ما ست سونه قالتلك شيل حوار الاحراج ده خالص اقعد مع الولاد اليومين براحتك ولو لاقيت حد يبقي الحمد لله ملاقتش متشلش هم كلنا موجودين وبيوتنا مفتوحه للولاد
عمرو ربنا يديم بينا المعروف وتسلمولي والله ما عارف نقولكم ايه
نجوي متقولش اي حاجه يا ابني انت زي ابننا بالظبط وخلاص بقيت واحد مننا وكلنا مع بعض عيش وملح يعني اطمن ليك حد تتسند عليه وعمرنا ما هنتقل منك او من ولادك 
عمرو تسلمي يا ست الكل ربنا يحفظكم يارب عموما خلوها علي الله وان شاء الله اللي ربنا عابزه هيكون هستأذنكم انا بقي 
كرم خدني معاك خليني نقوم نشوف اللي ورايا 
عمرو باي يا مريومه هشوفك قبل ما تمشي 
مريم باي يا بابا 
كرم شويه و هنرجعلكم 
رفاعي شوف شغلك يا ابني
خرج كرم وعمرو وخمس دقايق وقامت دره كمان خرجت
وعدي حوالي ربع ساعه بعت حسن رساله لبكر قاله انه داخل عليهم ينزلوا يستنوا في مكتب دره 
بص بكر لسونه بهدوء من غير ما حد يحس شاورلها علي الباب وهز راسه بمعني اسبقيني
خرجت سونه بهدوء من الاوضه دقيقتين وخرج بكر وقال لمها انه هينزل يجيب قهوه ويشرب سېجاره 
اول ما خرج كلم دره 
بكر ايوه دره انتي فين
دره انا في الدور معاكم بنمر علي حاله ايه عايزني نجيلك
بكر اه انزلي علي مكتبك حسن كلمني وداخل علينا وعايزنا 
دره طيب حالا يلا سلام 
بكر سلام 
دقايق وكانوا التلاته في مكتب دره مستنين حسن وكل واحد فيهم بيفكر ياتري يوسف طلب من حسن ايه 
دخل حسن بعد ما ركن عربيته وراح علي مكتب دره خبط وفتح الباب 
دره تعالي يا حسن 
حسن سلام عليكم
الجميع عليكم السلام 
سونه ايه اللي حصل طمنا 
بكر الاول استني متأكد ان مكانش في حد ماشي وراك و بيراقبك 
حسن اطمن كله تمام خدت كذا لفه من شوارع مختلفه ووقفت مره قدام كشك جيبت مايه وبصيت كذا مره مفيش اي حد ورايا 
بكر طيب الحمد لله اقعد بقي كده وقولنا اللي حصل 
دره طلب منك ايه يا حسن
بصلهم حسن وبعدين بص لدره وبعد كده فتح الشنطه اللي في ايده نزل الفلوس اللي فيها قدام دره 
بصت دره علي الفلوس ورفعت عينها بهدوء لحسن وسكتت
بكر ايه دول يا حسن
حسن بص لدره بحزن دول 100 ألف جني نص تمن اللي طلبه مني
والنص التاني بعد التنفيذ
دره بهدوء مريب وثبات رغم الحزن والۏجع اللي جواها وايه هو الطلب
بكر طلب منك ايه يا حسن 
حسن طلب مني اشوفله مكان مهجور والرجل تكون عليه خفيفه ومتطرف يأجره كام يوم وبعدها طلب مني نخطف دره وطبعا قالي انا هكون مجرد سواق لما حس اني قلقان يعني كل اللي هنعمله هنوصل دره لحد المكان وان هي هتركب بإرادتها واللي هتقنعها وهتجيبها لحد عنده واحده ست تبعه وكان يقصد سونه اكيد 
سونه پصدمه ايه انا مستحيل ده اكيد مچنون عايزني نساعده في خطڤ دره انتوا مينفعش تسكتوا بعد ما عرفتوا نيته ولازم يروح في ستين داهيه 
بكر استني بس يا سونه اهدي خلينا نعرف كل اللي حصل احكيلنا با حسن كل اللي قاله اكيد مقالكش خبط لزق كده ټخطفها 
حسن لا طبعا هو قالي حكايه عبيطه وانا عملت عبيط وصدقته وكل كلامه معايا علي ان دره مراته وسرقته وهو عايز
حقه مش اكتر ولا حابب يأذيها 
بكر طيب احكي اللي قاله بالظبط 
بدأ حسن يحكيلهم كل حاجه يوسف قالها من بدايه القاعده لحد ما سابه ومشي 
حسن بس هو ده كل اللي حصل يعني هو الوقت عايش دور الملاك اللي مراته سابته بعد ما ولادها ماتوا وبعد ما عرفت انه لايمكن يخلف ومش بس كده دي سړقت كل فلوسه وانا مثلت عليه كويس وصدقته وحسسته اني متعاطف معاه كمان مكنتش عايز اخد الفلوس بس هو صمم وبصراحه معرفتش نقوله ايه وأضطربت ناخدهم ما هو مش معقول واحد بالشخصيه اللي مثلتها عليه دي يرفض الفلوس وإلا كان هيشك فيا 
بكر يا ابن الكااااااالب ده ايه ده ده مش طبيعي ايه الدماغ دي وانت كويس انك عملت كده وخدت منه الفلوس 
حسن بيني وبينك غير اني خۏفت يشك فيا قولت خساره فيه ده حق دره والفلوس اهي يا دره قدامك خديها لحد ما باقي حقك يرجعلك 
دره كانت بصالهم وساكته دماغها شغاله
هاديه جدا وهدوئها ميطمنش
بكر يعني هو كده مستني انك ترد عليه في موضوع المكان 
حسن المفروض 
بكر ايه يا دره بتفكري في ايه انا شايف ان الموضوع راح في حته تانيه احنا اه كنا متوقعين انه يطلب طلب زي ده بس لحد اخر لحظه كنت بقول يمكن يخيب ظننا وميبقاش بالشړ ده بس مش هنكدب عليكي انا اه معاكي ومكمل بس حقك عليا اني ننصحك ونقولك ان في خطړ وانا خاېف عليكي الراجل ده دماغه مش سهله ده شيطان 
حسن هو كده مستني نقوله أمين علي المكان وانا واثق انه هيكلم سونه عشان ينفذ باقي خطتته ويتفق معاها علي خطڤ دره بس اللي مش قادر نعرفه هو عايز ايه من دره بعد الخطڤ بيفكر يأذيها ولا بيفكر انه يجبرها علي التنازل عن القضيه
سونه خطه ايه اللي ينفذ بقيتها معايا مستحيل طبعا انا مش هنعملوا كده اللعبه دي يا جماعه بقت اكبر مننا ولازم نبلغ عنه ده ناوي علي الشړ يا دره وحتي لو مش ھيأذيكي وعايز بس يجبرك علي التنازل ما ده لوحده أذي ليكي انا مش موافقه علي التهريج اللي بيحصل ده قول حاجه يا بكر احنا اه نقوم بيه بعون الله ومياخدش في ايدنا اي حاجه بس احنا لحد الوقت منعرفوش اللي في راسه مش يمكن معاه رجاله ومثبت حسن بالكلام ولما نوصله دره بأيدنا ېغدر بيها وبينا كلنا اسمع مني يا بكر اللعبه دي بقت اكبر مننا 
بكر بص لدره ايه يا دره ساكته ليه قولي اي حاجه 
دره عينها كانت علي الفلوس وشارده مش معاهم سمعاهم بس مش بترد دماغها كانت بتخطط
رفعت دره راسها بهدوء وبصتلهم 
حسن ايه يا دره قوليلنا طيب بتفكري في ايه
دره انا قولتلكم ان عشرتي ليوسف خلتني نفهم دماغه يبقي هينفذ خطتته التانيه بخطوات انا حفظاها كويس وقولتلكم انا بستفز يوسف عشان يكون فعل وحصل قدرت أستفزه وبدأ بالفعل واستغني عن خطه الأستعطاف
لعب يوسف معايا بقي علي المكشوف بس للأسف طلع غبي ميعرفش اني فاهمه دماغه وحظه انه ميعرفش اللي في دماغي هو عارف دماغ دره اللي عاشت معاه واتمنتله الرضا يرضي لكن ميعرفش دماغ دره الجمال شيطانه سوحوا علي واحده بتدي كل حاجه من قلبها لكن لما حد بيدوسلها علي طرف بتاخد كل حاجه من قلب اللي يفكر يجي عليها
بكر يعني ايه ناويه تكملي يا دره
سونه لا يا دره فكري بعقلك