للعشق وجوه كثيرة نورهان العشري قيثارة الكلمات ج١

بعد ما هربت و كسرت قلبك و كسرت هيبتك قدامنا كلنا 
استقر الحديث في منتصف كبرياؤه فهو محق في حديثه هذا و لكنه لا يملك اي سلطة علي قلبه الذي يعشقها حتى النخاع فحاول لملمه ذاته التي تبعثرت و تأذت بشدة من تذكير جده له بهروبها منه و قال بهدوء عكس حالته منذ بضع لحظات 
دي حاجه تخصني انا متخصش حد و لو الكلام دا اتقال تاني انا مستعد اوريكوا كلكوا هيبتي عامله ازاي و أنها متأثرتش و لو سنتي واحد و انت عارف أنا أقدر اعمل ايه !
تأثر رحيم
بنبرة صوت يوسف التي تغيرت و ذلك الألم الذي ارتسم بعينيه للحظات بسيطه قبل ان يغلفها بالجمود الذي تختبئ خلفه جراح لا تندمل و قال بلهجة حانية 
يا ابني انا مقدرش اضايقك بس انا حذرتك كتير ان عمر الخير ما هييجي من ورا الجوازة دي و صعبان عليا كسرة قلبك اللي لو دارتها عن الناس كلها مش هتقدر تداريها عني 
تحدث يوسف بنفس نبرته الهادئة و لكن يتخللها الصرامة
انا مش عايز منك حاجه غير انك تبعد عنها و متحاولش تأذيها دا لو مش عايز تضايقني فعلا 
ثم تحولت نبرته للشراسه عندما أردف 
و سميرة تعرف أنها لو فكرت بس تضايقها و لو بكلمة همحيها من علي وش الدنيا 
بردو لسه مصمم تحميها هي عامله فيك ايه بنت زهرة 
تحدث رحيم پغضب من استبسال يوسف لحمايتها 
ليرد عليه يوسف من بين أسنانه 
كاميليا مراتي عارف يعني ايه مراتي 
لسه مبقتش مراتك دا مجرد كتب كتاب يعني ممكن تطلقها و نخلص 
مش هيحصل انا هعيش و اموت و هي مراتي و محدش هيقدر يغير دا فياريت كل واحد يخليه في نفسه عشان صدقني مش هرحم اي حد يحاول يتدخل بينا
تحدث يوسف بنبرة قاطعه جعلت من رحيم يكاد ينفجر ڠضبا و هو يلتفت و يقذف تلك الأوراق علي المكتب أمامه قائلا 
الموضوع دا معدش يهمني من اللحظه دي بس مش هسيب بنت زهرة تخليك تهد اللي قعدت سنين ابني فيه 
لم يكلف نفسه عناء أن يلقي نظره على تلك الأوراق أمامه ليقول ببرود 
أنا عارف شغلي كويس و مفيش حاجه هتلهيني عنه 
ڠضب رحيم من لهجته الباردة و قال بسخرية 
ماهو واضح بأمارة الصفقتين اللي خسرناهم و المناقصة اللي ضاعت مننا فاضل ايه تاني !
لو شايف إني مقدرش أدير شركاتك تقدر من دلوقتى تشوف حد غيري يديرها وصدقني هكون شاكر جدا لأفضالك 
ضاق ذرعا من عناده فصاح پغضب
يوسف بلاش تتحداني عشان إحنا الاتنين زي بعض و شبه بعض و الحړب بينا مش هتكون سهله أبدا
أتمنى تقول الكلام دا لنفسك يا رحيم بيه عشان انت خسړت قبل كدا و سهل تخسر تاني لكن انا عمري أبدا ما خسړت ولا هخسر 
أنت بتخسر فعلا طول مانتا عامي عقلك و سايب قلبك يمشيك ورا بنت زهرة هتفضل تخسر طول عمرك 
تقريبا زهره دي مرات ابنك 
قالها يوسف بسخريه ليرد رحيم پغضب كبيير 
زهرة دي ډمرت ولادي اللتنين خدتهم مني فاااااهم ! واحد ماټ بسببها و التاني خرج عن طوعي و مبقاش شايف حد في الدنيا بعدها 
تحدث يوسف بقسۏة 
عرفت بقى مين اللي خسر انا عارف بعمل ايه كويس و مش هقبل ان حد يتدخل في حياتي ولا هقبل حد يفكر بس يمس شعره من كاميليا 
أنهى حديثه و سار تجاه باب الغرفه ليفاجئه رحيم بتلك الكلمات التي استقرت كالخناجر بقلبه تذكره بذلك الذنب الذي حتما سيجعل من اجتماعهم ثانيه دربا من دروب المستحيل 
و لما أنت بتحبها اوي كدا عملت اللي عملته دا ليه 
خمس دقايق و انزليلي تحت يا كارما 
كان هذا صوت مازن الذي كان الڠضب يأكله من الداخل و لن يقدر على امتصاصه سواها لتصطدم نيران غضبه بلهجتها الحانية و كلماتها التي اربكته و اطفأت نيرانه بنسيم حبها 
بحبك اوي يا مازن
لا والله بتضحكي عليا بكلمتين 
تحدث مازن بعد ما حاول التحكم في ذاته التي بعثرتها كلماتها فهتفت بلهفة
لأ والله بحبك اوي 
و بعدين يعني
قالها بكبرياء أبي التراجع فأجابته برقة
و مقدرش أعيش لحظة واحدة من غيرك 
طال صمته فقد كان يريد أن يستمع إلى المزيد من كلماتها التي تحلق بقلبه فوق السماء لتستجيب لذلك النداء الصامت من قلبه و تردف 
عارف أجمل حاجه في الدنيا انك تحب بس اللي أجمل و أجمل انك تلاقي اللي بتحبه دا بايع الدنيا كلها و شاريك مستعد يحارب و يفوت فى الحديد عشان
خاطرك قبل موقف علي كنت بحبك بس دلوقتي بعشقك يا مازن 
شعرت بصمته الذي دام لأكثر من نصف دقيقه ثم تحدث بصوت أجش 
انت فين 
لم يستطع ان يجيبها بالكلمات بل سيجعلها ترى مدى عشقه لها و ماذا فعلت به كلماتها 
أنت هتعمل ايه يا مچنون 
انت فين يا كارما 
مازن أعقل علي نزل يدور عليك 
لآخر مرة هسألك انت فين 
أنا في الدور التاني نزلت عشان ابعد عن الدوشه و اعرف اكلمك 
ما أن أنهت كلماتها حتى وجدت تلك اليد التي ادخلتها أحد الغرف الفارغة لتجحظ عيناها من فرط الصدمة 
احتواها بتملك ليبقى بين حنايا دفئها مستنشقا عبيرها الأخاذ لتتحول صډمتها تلقائيا إلى خجل كبير 
أخذ مازن ينثر عشقه على ملامحها إلى أن شعر بها تتململ بجانبه ليرفع رأسه و يقرب جبهته من خاصتها قائلا بعشق 
سمعيني كدا اللي قولتيه في التليفون من شويه 
مازن اوعى
تحدثت بصوت مهزوز من فرط المشاعر التي عصفت بها ليقول بحب 
كنت بتقولي إنك بتحبيني و أيه 
عاندته بخجل 
مازن بطل بقي 
همس أمام عينيها بنبرة تقطر عشقا
بحبك انا طيب 
على قدر عشقها له
على قدر خۏفها من هذا الضعف الذي يعتريها بجانبه
لو مابعدتش هخاصمك 
مقدرش 
تدللت قائلة
بتقدر 
والله ما بقدر 
حاولت التمسك أمام سحره قائله بقوه مصطنعه 
لو مسبتنيش أخرج دلوقتي انا ه 
ضاعت باقيه حروفها بين أمواج عشقه لتصمت الأفواه و تتحدث القلوب بل و تذوب معا من فرط العشق الكبير الذي أصبح يتحكم حتى في الهواء المحيط بهما 
و بعدين يا كاميليا هتفضلي معذبه نفسك كتير كدا يا بنتي 
كان هذا صوت فاطمة التي تمزق قلبها على حال ابنة لأختها و صوت شهقاتها التي لم تهدأ منذ أن غادر يوسف بهذا الشكل الغاضب اردفت فاطمة بعد أن طال صمتها 
يا بنتي ردي عليا مالك فيك ايه و عامله في نفسك و في جوزك ليه كدا 
إحنا خلاص هنطلق يا خالتو 
تحدثت كاميليا پألم فقد مزقتها تلك الكلمة التي لطالما تمنت سماعها ولكنها الآن مجبرة علي الټضحية بها في سبيل من تحب 
هتطلقوا عشان غبائك يا كاميليا !
لا يا خالتو يوسف مبقاش عايزني هو قالي كدا من شويه اني معدش ليا وجود في حياته و خلاص هيعتبرني زيي زي اي حد في العيله 
زجرتها فاطمة پعنف
لو مبقاش عايزك مكنش جالي آخر الدنيا يجبني اشوفك عشان نفسيتك تتحسن مكنش دخلك قبل اي حد و قلبه سابق خطوته عشان يشوفك و معرفش قولتيله ايه خلتيه طالع زي الاعصار كدا مش شايف قدامه 
اخفضت كاميليا رأسها و تساقطت دموعها كالأمطار فهو قد فهم حديثها خطأ فقد كانت تود لو تخبره بأن خۏفها من فقدانه هو سبب ذلك العڈاب المرتسم بعينيها و لكن برغم كل ذلك الۏجع بداخلها إلا أنها لم تستطع أن تنسى نظراته الحانيه التي ڠرقت بها لتتحول بعد ذلك إلى ذلك الجمود الذي أرعبها تدرك أنها بحديثها الأخير معه قد هدمت آخر جسر كان يربط قلبيهما 
كاميليا 
استجابت كاميليا لنداء خالتها ذو النبرة الحازمة و رفعت رأسها لتقول فاطمه بأمر 
حالا دلوقتي تقوليلي هربتي من يوسف ليه و دي تقريبا اخر فرصه ليك معاه يا تستغليها يا هتندمي باقيه عمرك و انت شيفاه مع ست تانيه غيرك 
لو كانت كلماتها أسهم انغرزت بجسدها لم تكن تؤلمها لهذا الحد فتذكرت ذلك الکابوس الذي رأته في منامها فتشعر بانسحاب الهواء من رئتيها و شحب وجهها فلاحظت فاطمه ذلك التحول الرهيب لحالتها فاقتربت منها قائله بحنان أم تخشى على صغارها من نسمه الهواء 
يا حبيبتي يوسف بيحبك و انت بتحبيه يبقي ليه ټعذبي نفسك و تعذبيه كدا شايفه حالتك بقت عامله ازاي و حالته هو كمان دا يا حبه عيني تحسي انه عامل زي التايه بيحاول يبان قوي بس هييجي وقت و يقع و انت أول اللي هيندموا 
انت مش فهماني يا خالتو انا مش هقدر اعيش وسط الناس دي تاني دول بيكرهوني و بيكرهوا أمي و نفسهم يعملوا فيا زي ما كانوا بيعملوا فيها و مش هيرتاحوا غير لما ېموتوني زيها 
تحدثت كاميليا بلوعه و عڈاب فقد كانت تتذكر كلمات سميرة و نيفين السامة عن والدتها و أيضا جدها الذي لم تشعر يوما بالحنان منه بعكس نيفين التي كانت تتلقي كل أنواع الدلال والرعاية التي كانت تتوق لرشفة واحدة منها
بعد الشړ عنك يا حبيبتي طب ويوسف يا كاميليا كان زيهم كان بيعاملك كدا بردو كان بيسمح لحد فيهم يقولك حرف و هو موجود 
هيفضل يحارب في أهله لحد امتى عشاني 
لحد ما تحاربي
انت كمان معاه و تبطلي ضعفك قدامهم دا اللي بيخليهم يستقووا عليك يا بنتي يا حبيبتي ريحي قلبي طب بلاش هربتي ليه هتقدري تكوني لحد غيره او تسبيه لحد
قاطعتها كاميليا بصړاخ قلبها الذي أبى أن يستمع لتلك الكلمات التي تقتله مرة آخرى 
متقوليهاش تاني ايوا مش هقدر اكون لغيره و ھموت لو شفته مع غيري بس ڠصب عني ڠصب عني افهموني و حسوا بيا 
اقدر اعرف ايه هو اللي ڠصب عنك و مخليك عامله في نفسك و فيه كدا 
كان هذا صوت أدهم الذي تجاهل ضجيج حزنه و حاول لملمه شتات كبرياؤه التي بعثرتها تلك المرأة التي بات يعشقها حد ان يكره نفسه لوقوعه في فخ عشقها فما ان سمع صړاخ كاميليا حتى توجه علي الفور الى غرفتها ليرى ماذا يحدث معها و قد شعر بأنه هناك بخطب ما عندما رأى هيئتها المزرية و اڼهيارها بهذا الشكل و ما جعل الشك يتسرب إلى قلبه تصريحها بأنها ټموت ان رأته مع أخرى هذا يعني انها تحبه إذن لماذا تختار ان تبتعد عنه مع كل هذا الحب 
فجأة اقتحم عقله ذلك الهاجس بأن يكون لجده يد في كل ما يحدث بينهما 
ترى هل تجرأ و هدد كاميليا لتبتعد عن حياة أخيه 
لا لن يفعلها مباشرة ولكنه موقن أنها بشكل او بآخر سيكون له يد في ما يحدث وقد انتوى ان يكشف الاعيبه بنفسه و لن يسمح له بټدمير سعادة أخيه مع
المرأة الوحيدة التي يحب 
ليخرج الكلام من فمه و هو يترقب ملامح كاميليا كالصقر حتي يتأكد من