رواية صعيديه مكتملة

بيقولي أنك عارف كتير وهتقولي واللي تطلبه انا تحت امرك فيه 
تمعن في حديثها متحدثا لو صح زي ما بتجولي التمن هيبجي غالي عليك
قولي بس ومش هنختلف
لاه اللي أوله شرط آخره نور مش جايل حرف واحد جبل ما يكون معاكي خمسين الف جنية
اتسعت عينيها متحدثه خمسين ايه ... دا مبلغ كبير اوووي
لو عاوزه تعرفي حاجة لازم تدفعي لان اللي هجوله لك ده ممكن يإذيني
طب أناةمش عاوزه اوراق اشوفها بس لو معاك حاجة وعرفني اللي تعرفه وخلاص
اللي عندي جلته
طب خليهم النص حتي المبلغ صعب اوفر ليك كده بسهولة
ليه مش محامية وبتاخدي في الجضية جد كده 
اومأت ساخرة لا مش أنا ... دول الحيتان أنا لسه علي قدي علي
العموم اللي اقدر اوفره ليك نص المبلغ بس هه قولت ايه
بعد
تفكير رأته في عينيه هتف موافج بس مېته
بكرة المبلغ يكون عندك تمام
ماشى بالليل المغرب يناسبك
المغرب مفيش مشاكل هجيلك هنا مش كده
اجابها في قلق لاه مش اهنه ... اديني رجمك وانا هكلمك اجولك علي المكان
تحدثت في شك ماشي بس اكيد كلام رجاله
رد في ڠضب طبعا رچاله ليه شيفاني حرمه جدامك
لا مقصدش إن شاء الله بكرة المبلغ يكون جاهز وهستني مكلمتك عشان اتحرك ماشي استئذن أنا بقي
بالسلامة ... وأغلق الباب خلفها واخذ يدور الكلام في رأسه وهو مبتسم
عاد بعد عمل في توقيت الغداء ... دلف حجرة إنتصار
يلقي السلام عليها كانت في غرفتها ترتاح كعادتها والكل في الاسفل يعمل عداها ... 
ردت في الم وعليكم السلام يا أبو علي
ازاح العبائة عنه واضعا اياها علي المقعد ثم جلس علي الاخر متحدثا كيفك يا انتصار
نهضت من علي السرير وتركت الهاتف من يديها متحدثه بخير يا حبيبي طول ما أنت بخير ... بس ولدك تاعبني قوي 
تحدث بتأكيد طالع راجل زي ابوه
ضحكت وهي تتجه له تجلس لجواره متحدثه وزينة الرجال كمان هو في زيك يا حبيبي 
ابتسم لها وجذبها تحت ذراعه يضمها بحنان متحدثا تعيشي يا غالية
تركها ودس يده في جيبه واخرج علبة قطيفة حمراء عندما رأتها لمعت عينيها بفرحة ... نظرة أرض متعطشه لماء ... فتحها تحت نظرتها المتلهفة وأخرج منها سلسلة ذهبية كبيرة تبدو ثمينة
ومد يده لها هاتفا اهه يا ستي جبتلك اللي طلبتيه
مدت يدها سريعا تلتقفها هاتفه الله دي حلوة قوي قووووي واحل من ما كنت عاوزة
تحدث بتأكيد اهم حاجة أنك تكوني مبسوطة
اتجهت للمرآة سريعا وكأن الالم والحمل ابتعدوا عنها تضع السلسلة علي عنقها بفرحة كبيرة ... ثم فتحتها سريعا وارتدتها واغلقت قفلها بعناء متحدثه ربنا يخليك ليا وتعيش وتجبلي يا راجلي وسيد الرجال كلها
دائما ما تمطرة من معسول الكلام فقط دون فعل ... لكنه يشعر بالرضى حتي ولو بالكلام فقط
تحدث في تعجب انت هتلبسيها
ردت وهي تنظر للمرآة بجانبها اه هلبسها
تحدث في تعجب مش جلتي إنك هتلبسيها وجت ولادتك
لا منا غيرت رأي وهلبسها دلوقتي
هز رأسه مع ابتسامة وتحدث أنا هنزل وابجي حصليني
ماشي يا حبيبي انزل انت وانا هغير واجي وراك علي طول
وبالفعل وضع العبائة من جديد علي اكتافه وغادر متجها للدرج وهتف للخادمة اندهيلي ستك حنان وخليها تحصلني فوج 
حاضرة يا حضرة العمدة وركضت الخادمة تنفذ طلبه دلفت المطبخ واتجهت لحنان تحدثها حضرة العمدة عاوزك فوج يا ست حنان
تعجبت حنان وعبس وجهها متحدثا فوج هو جالك كده بس
ايوه يا ست حنان جالي خليها تحصلني فوج بس
ماشي كملي مطرحي وتركت لها ما كانت تعده من طعام وغسلت يدها جيدا واتجهت لاعلي .... فتحت الغرفة وجدته يجلس واضعا العبائة جانبا ... دلفت في تعجب وقلق متحدثه مالك يا فارس فيك حاجة
نظر لها ماليا ثم تحدث مالي يعني يا حنان ... ايه حرام انديلك
لاه مجصدش والله بس النهاردة يوم إنتصار وجلت هتكون عندها استغربت لما البت جالتلي أنك عاوزني
هتف لها وهو يرتب علي المقعد تعالي جاري
اتجهت له سريعا تجلس لجواره متحدثه خير يا حبيبي جلجتني
تحدث في ڠضب طفيف به يا حنان مالك يابت عمي زي اللي يكون معوزاش تجعدي معاي
امسكت يده متحدثه لاه اوع تجول كده تاني ... ازعلك منك والله أنت عارف انك دنيتي وآخرتي كمان
تحدث ليجلي صوته وهو يخرج علبه قطيفه من جيبة تشبه الاخري في الشكل لكن ما بداخلها مختلف جبتلك دي
نظرت له في تعجب هامسه دي ايه يا فارس!
اخرجها منها متحدثا سلسلة جيبهالك
نظرت له نظرة صعبة التفسير نظرة حب علي عشق و استكتار علي نفسها واخيرا تعجب هاتفه جيبهالي أني
ابتسم متحدثا امال جيبها لامي
اقتربت تمسكها من يده متحدثه بس شكلها غالية يا فارس ليه كلفت نفسك مانا عندي كتير
رد في ڠضب لازم كل حاجة اجبهالك تجوليلي الكلمتين دول ... امسكت يده سريعا تقبلها متحدثه لاه متزعلش مني مقصدش ازعلك انا والله ما عاوزه اكلفك يا حبيبي انت عندي بكنوز الدنيا كلها
تنهد في راحة متحدثا طب البسيها اشوفها عليك
تحدثت وهي تنهض للمرآة حاضر
اتجهت للمرآة تبعد خصلاتها القصيرة عن عنقها متحدثه هجلع التانية بجي والبس دي 
تحدث وهو ينهض اعملي اللي يريحك 
اتجهت له متحدثه شكلها حلو جوي يخليك ليا وميحرمنيش منك يارب 
هتف وهو يقبل رأسها ولا منك أنا نازل
غادر الغرفة واتجهت للمرآة من جديد تنظر لها بفرحة كبيرة الهدية في نظرها ليست بقيمتها حتي وان اشتري لها سلسلة فضية او من أحبال ستكون قيمتها عندها منه اغلي من الذهب
كانت في غرفتها انتقت اكثر ملابسها جمال ووضعت غطاء رأسها بلفة قصيرة تريد أن تنير السلسلة الجديدة عنقها هندمت ملابسها وطلة مرة آخري علي نفسها في المرآة وكأنها ستخرج لتمشي علي السجادة الحمراء ... نزلت الدرج تتبختر في مشيتها
كان الطعام قد وضع علي طاولته بالفعل والكل يلتف حوله وكأنهم النجوم تنتظر وصل قمرها لتكتمل الصورة ... وها قد طل القمر في صورة محاق جميل الشكل لكنه معتم ... جلست إنتصار بعد ان القت السلام عليهم لجوار فارس تحرك جسدها في كل فرصة لتظهر السلسة لها ... لاتعلم انها رأتها قبل أن تجلس ... لكنها لن تهتم ... وصل علي متأخر فهتف والده ... تعال جمبي يا علي ... ازاحت نفسها للمقعد المجاور تترك لولدها المكان ... متحدثه اقعد يا حبيبي جمب ابوك
جلس علي المقعد المجاور لفارس تحدث فارس له كيفها يدك دلوك
زينة يا بوي
لساتها بټوجعك
لاه 
ايوه كده عاوزك راجل مفيش اي حاجة تإلمك
أومئ الصغير في طاعة حاضر يا بوي
رتبت علي ظهره متحدثه يحضر لك الخير يا حبيبي كل ووضعت له قطعت لحم في فمه
كانت في حالة عشق وليدة لن تنكر أنها تعشق لو سألها احد لأجابته سريعا عادا راية ... لن تخبرها شئ لانها ستنهرها ربما ستنقلها من هنا بعيدا عنه وهذا أصبح لها مۏت بالبطئ ... اصبحت تلك النغمات هي المفضلة لديها صوته عمر دياب يجعلها في حالة انتشاء اكثر واكثر ...
ده الي كان نفسي فيه لو تيجي صدفه تجمعني بيه
فرصه عمري اضيعها ليه مش معقول
عيني قدام عنيه باكتر من الي حلمت بيه
ده اليوم الي انا مستنيه عشان اقول
وياه الحياه هتحلي وانا معاه
هو ده الي انا بتمناه
والي عيني شيفاه
احساس انه احلي واغلي الناس
خلي قلبي يقولي خلاص اهدي بقي لقناه
ايوه هقول واعيد ماهو بقي جنبي
ومش بعيد فرحه قلبي كانه عيد مستنيه
يلا اهوه جه الاوان مش هستني ليوم كمان
لازم اقولو من زمان عيني عليه
وياه الحياه هتحلي وانا معاه
هو ده الي انا بتمناه
والي عيني شيفاه
احساس انه احلي واغلي الناس
خلي قلبي يقولي خلاص اهدي بقي لقناه
تدندنها في كل الاوقات في صحوها ونومها عملها حتي خطواتها مما جعل راية تستاء منها لكنها لا تبالي كعادتها
وأجمل شئ هو تلك الصدف المتكررة صباحا ومساء ومنها ما هو طبيعي ومنها ما هو مفتعل ... والذي جعل قلبها يرفرف
عاليا أنه ما عدا ينهرها علي قربها منه ... ما عادا ېعنفها
في مكتبة يجلس مقابلا لزميله يرفع قدميه علي الطاولة ويده خلف رأسه متحدثا مليش يا عم هيكون مالي بس
لا يا وسيم فيك حاجة متغيرة حاسس إن في حاجة شغلاك
مفيش بس قلبي وعقلي مشغولين ... عقلك وقلبك ازاي طب فسر لي يمكن اساعدك
شكلي بحب او مش عارف هو ايه بالظبط
هه بتحب!! وسيم بيحب! دا مين دي اللي حركة الجليد
ضحك وسيم ومال برأسه أكثر للخلف متحدثا فاكر البت اللي جات من فترة وكانت متهمة واحد انه حاول يسرقها
تحدث بتعجب رحمة!
اعتدل من جلسته متحدثا هو أنت تعرفها!
تعجب صديقه وحدثه بسخرية يا ابني ما أنت لسه قايل أنا الليكنت بحقق في القضية يعني عارفها
عجيبة لسه فاكرها وفاكر اسمها الموضوع فات عليه كتير
اهه بقي فاكرها وخلاص ثم حدث نفسه طب وحتت الجاتوه دي تتنسي ازاي ثم فاق من شروده هاتفا طب وايه المشكلة يا عم البت تستاهل
رد في ألم وتردد المشكلة فيا أنا ... قلبي عاوزها وعقلي بيقول لأ ... واختها راية
تحدث في تعجب ودي مالها هي كمان
اهي دي بقي عقلي بيقولي بنت محصلتش عقلها يوزن بلد ذكية مثقفة وجميلة
حدثه بتعجب بس موقلتش أن قلبك موافقك عليها
رد في الم اهو ده بقي الحاجة الوحيده فيا اللي رفضاها 
حدثه ويمدد قدميه هو الاخر لا دا أنت حالتك صعبة 
اكد علي كلماته متحدثا اوي اوي وأنت الصادق
كانت علي المائدة تشعر بعدم الرغبة في الاكل شهيتها انعدمت بعد معرفتها بقرأة فتحتها علي عاصم ... تغيب الصورة عن وجهها للحظات فقط و تعود من جديد لبركة دماء تسبح فيها غير قادرة علي النجاة
لكن ماذا ستفعل سترضي بكل شئ وهل لها حق المعارضة ... بالطبع لا
في المساء استغلت عدم وجودة وفتحت حقيبتها سريعا تلملم حاجاتها الضرورية فقط والتي لا تستطيع التخلي عنها قبل حضورة ستنتظر للصباح الباكر وتغادر بحجة مرض والدتها ان رأها احد وبالفعل انتهت من وضع الاشياء بالحقيبة وتنفست الصعداء وهي تغلقها متمتمة الحمدلله أنه لسه مجاش ... والتفتت لتخبئ الحقيبة ... لتراه خلفها ينظر لها پغضب وعيون ماكرة ....صړخت وهي تتراجع للخلف ملتصقة بالخزانه
اقترب خطوة واحده منها متحدثا بتعملي ايه!
نظرت له لحظات بعيون متسعة ودقات قلب مسموعة ثم هتفت بصوت مرتجف برتب الهدوم الشتوي والصيفي
نظر لها ثم حمحم متحدثا طيب وخلصتي
اومأت له متحدثه آه خلصت
اقترب منها متحدثا ليك عندي موفجة زينة جوي
نظرت له تسأله قول هي ايه
لاه بكرة هتعرفي واتجه لل يتمدد عليه وهي مازالت واقفة تنظر له پغضب ودت لو تكسر رأسة لتنتهي من المها
ثاني يوم قرب أذان المغرب .... تجلس بقلق شديد اخيرا
جائها الرقم المراد ... حدثته بصوت متوتر مستنياك من زمان ....