حورية في قلب الليل ميفو السلطان

شالله ينجتل اني جوايا غل ماجادرش اسيبه لازمن يبرد. 
هتف جاسر... واللي عليه العين سايج علينا المركز و مجلس الشعب وعيلات العيلات ماتتكلم يا ابوي.
هتف بدران... اجول ايه هو ليل عاد بيسمع لحد اني تعبت. 
تدخلت زوجه عمه عليهم .....ايه يا حاج بدران عايز ليل يهمل تار جوزي عايز ليل يلبس طرحه كيف الحريم. 

صړخ ليل... لاه يا مرت عمي اني هاخد جلبهم وانهش كبدهم ما تنجهريش ليل ماهواش عويل والا مشلۏل..
هتف بدران... اهدي يا ولدي مش اكده البلد متحاله عليا وهناخد حجنا تالت ومتلت ولا هيصيبناش العيبه. 
دخل عليهم كبير عائله العبايده كان رجلا حكيما قويا يحكم بين الناس .. كيفك يا حاج بدران. 
تنهد بدران... بخير يا حاج علوان بخير. 
هتف علوان.. مالك يا ليل يا ولدي صوتك طالع اكده. 
هتف جاسر.. هنجول ايه يا جدي جصه كل يوم التار والزفت. 
هتف ليل... فيه ايه مالك جلبك مايع اكده يابن ابوي انا جوايا ڼار شابطه لو طلت احرج جلوبهم كلهم واحصرهم علي شبابهم. 
هتف الحاج علوان.. اهدي يا ولدي الناس طالبه الصلح واحنا كبرات البلد جدامنا حلين يا تاخدو تاركو من العتامنه الدور علي ابن سالم العتماني عيل اصغير عنده تسعتاشر سنه ما جاعدش اهنه والراجل طالب الكفن او الصلح وانتو ليكو تختارو. 
هتف ليل.. كفن ايه وصلح ايه اني عمي اخد جصاده عشره. 
هتف علوان... ماتشوف ولدك يا بدران مالناش حكم عليه اياك. 
وقف بدران... ليل اهدي يا ولدي لو جتلته الدور عليك يا ولدي واني ماهتحملش اجع من طولي بحصرتي. 
صړخ ليل... واني ماهيهمنيش اطفي ڼاري واموت ماهيهمنيش. 
هتف علوان... خد اخوك وهملنا يا جاسر عايز اخوي بدران..
ذهب جاسر الي اخيه يشده انصرف ليل مرغما وهو غاضب من تلك المشاورات التي تحدث منذ فتره لاقامه الصلح بين العائلتين.......بقلمي ميفو السلطان
جلس علوان مع بدران هتف... ولدك واعر يا بدران ما هيهمدش الا اما نلبس مصېبه خابر الدور علي ولدك يا بدران. 
هتف بدران... خابر يابن ابوي خابر وماعرفش ليه هو ماحاسيسش بالمصېبه انه في وش الجفص.. اجول ايه.
هتف علوان...... احنا هنجيب اكبار العيلات يا حاج وهجيب الحاج مهدي كبير البلد واكبر واحد وكلمته مسموعه وهنجعد معاه ويجي ولدنا ماهيونطجش بس ماتجولش ليه عشان ما يرمحش ويطفش جبل الجاعده فاهم يا بدران..
تنهد بدران.... والله ماعارف عيل كيف الڼار ما هيبردش ناره واصل اجول ايه الله يستر.
في احد الشقق الفخمه في مدينه الاسكندريه نجد هناك سيده تجلس غاضبه وبجانبها زوجها تصرخ فيه.... انت هتفضل ساكت كده لما يجو ېموتو الواد. 
هتف... يا مني اعمل ايه طيب طلبت الكفن و الديه وماحدش رد عليا. 
صړخت... اتصرف انا ابني ما حدش يلمسه انت تشفلك صرفه يا سالم والله اخده واطفش بيه. 
هتفت.... طب اعمل ايه الكفن ما مكفيهم دا عايزين رجبه الواد.
هتفت...... خلاص يبقي الكفن ونحط عليه النسب. 
بهت.... نسب ايه يا وليه اتخبلتي الواد ابنك اصغير هجوزه عنده تسعتاشر سنه ماهيرضوش بيه ولا يرضو يدو بناتهم لحد واصل عيله الرفاعيه مابيدوش بناتهم لحد بيعتبروها عيبه هناخدهم ازاي..
هتفت.... و مين اللي قالك هديهم ابني اتهطلت مين يتجوز يا اخويا ابني نور عيني ما هيروحش في حته وهطلعه منها زي الشعره من العجينه.
هتف ....امال هناسبهم ازاي. 
نظرت اليه بخبث وتقول..
حوريه_في_قلب_الليل
حكايات_mevo
البارت الثاني..
كان سالم يجلس مع زوجته فهتفت... انا ابني لو جراله حاجه هاخده واطفش بيه بقلك اهوه.
هتف... مانا طلبت الصلح والكفن ماعيرضوش يا منى. 
هتفت... يبقي النسب فوقه تودي الكفن والنسب كمان.
هتف... وابنك العيل هناسبهم ازاي مابيدوش بناتهم لحد.
هتفت بخبث... خلاص نديهم بناتنا. 
هتف.... بنات مين يا وليه انت اتخبلتي هما فين. 
صړخت......

بناتك مش عندك بنات. 
بهت قليلا.. انت بتجولي ايه بنات ايه ماني مهملهم من زمن ولا اعرف عنهم حاجه. 
هتفت....... لا انت بقه تروح لابوك وتقله اننا هنديهم البنتين فوق الكفن واظن كده عدانا العيب ياما اطفش بالواد. 
جلس سالم يفكر...... ودي هعملها ازاي دي اروح اجوله ايه انت عجلك راح ماهيعبرونيش. 
هتفت........ لا انت بقه هناك تفهم ابوك انهم بنات خرجو من تحت طوعك وسابوك من بعد امهم ما ماټت وهيجبولك العاړ ولازم تسترهم وهو هيتصرف يحبسهم يعمل مابداله ابوك قوي وهيعرف يتصرف بس تقوله يخبي عن البنات وادينا بنسترهم وعيله الديه اغنيه وولادك متمرمطين وبيشتغلو يبقي نكسب فيهم ثواب ونخلص من التار. 
هتف سالم.. لا يا مني اكده كتير. 
هبت تهتف... شوف بقه يا انا و ابني يا البنات انا والواد بروحك يجراله حاجه واخده واطفش بيه يبقي بقلك اهوه انت حر. 
تنهد.. ياستي طيب اصبري بقه اما اروح لابوي واجوله. 
هتفت...... من النجمه تروح وماترجعش الا بحل للقضيه دي بقلك اهوه.
عند لؤلؤ وحوريه كانت حوريه تقف ترسم احد الصور المطلوبه منها لتدخل عليها لؤلؤ..... ايه يا مزتي مش هتيجي تقعدي معايا بقه زهقت..
هتفت حوريه.... خلاص اهوه يا حبيبتي خلصت والله. 
هتفت لؤلؤ.... طب يلا انا جايبه اكل من برا اهوه مهيصاكي.
اطرقت حوريه وهتفت... يا لؤلؤ انا عارفه اني عبئ عليكي بس والله ڠصب عني انا حد ضعيف وغلبان. 
هتفت لؤلؤ.. بس ابت هو ايه اللي عبئ انت هبله.. انت رقيقه وبسكوته ماينفعش تتمرمطي انت ملكه تتشالي عالراس. 
هتفت حوريه... ملكه ايه بس وانت ذنبك ايه. 
وقفت لؤلؤ... ربنا خلقني قويه اعمل ايه اكفر بالنعمه كنا هنبقي الاتنين خيبانين.. اسكتي دانا النهارده واكله دراع واحد هجمت عليه طينت عيشته. 
شهقت حوريه... نهار اسود اټجننتي. 
هتفت... اعمل ايه كان عايز ياكل حقي و يلبسني طلبيه طلبها مش عايز يدفع بس علي مين كلت دراعه فدفع. 
هتفت حوريه.... نفسي ابقي زيك. 
ضحك لؤلؤ... ماهتعرفيش يا قطتي انت سوسو خالص عسليه روبونزل القمر انت رقيقه وحساسه وتتلفي في حرير بس نفسي تنشفي شويه الا البت الزرقه اللي اسمها نوسه غيظاني .
تنهدت حوريه.. مالها طيب لسه زعلانه منها.
صړخت لؤلؤ.. انت معاقه واحده خانتك وطلعت عليكي كلام وحش وهانتك قدام الخلق وسكتيلها زي المتخلفين لا واللي يشل اول ما جت قدامك طبطبت عليكي سامحتيها وعايزاها تيجي وتقعد. تقعد فين دانا لو شفتها هشقها نصين من غيظي بنت الجزمه.
تنهدت حوريه فهيا طيبه بزياده...... يا لؤلؤ ماهي قالت معلش خلاص اعمل ايه يعني. 
هتفت لؤلؤ.. تعملي.. العمليه شالتها تبهدليها وتقطعي علاقتك بيها.
تنهدت حوريه.. مابعرفش يا لؤلؤ مانت عارفه مابعرفش غير اني اسامح. اول ما حد يقلي معلش بيصعب عليا وقلبي يوجعني. ماتحملش ازعل من حد. 
تنهدت لؤلؤ.. عارفه يا غلبانه السنين.. يا رب اعمل ايه واحده هبله وبتسامح علي روحها وواحده بتعض في خلق الله.. يلا يلا بقه عشان ناكل..
سهمت حوريه... هو احنا ليه مابنسالش علي قرايبنا الصعايده.
بهتت لؤلؤ.. نعم ياختي ايه اللي جاب السيره دي مابوكي رامينا هنسال علي مين. 
هتفت... لا مش لينا جد وجده واعمام ليه ما بنعرفهمش. 
قطبت لؤلؤ... عشان مقاطعين ابوكي مثلا ورافض وجودنا. 
هتفت حوريه.. نفسي يبقي ليا عيله وعزوه.. نفسي يبقي ليا حد يحميني ويدافع عني. 
هتفت لؤلؤ... وانا ايه دانا ادافع عنك واخد نن عين اللي يقربلك يا قلبي. 
تنهدت حوريه... لحد امتي ما اكيد هتتجوزي هفضل راكبه علي نفسك. 
هتفت لؤلؤ... وانت كمان هتتجوزي والله ربك عاين لينا الخير دا يقيني. 
هتفت حوريه... انا عمري ماهتجوز اتجوز واحد يتجبر عليا وانا مابعرفش انطق يجيلي واحد يخرسني ويقهرني وانا غلبانه وماليش خرباش انا لو اتجوزت اموت. 
هتفت لؤلؤ... لا يا حوريتي انت ماينفعش تعيشي لوحدك لازم تحبي وتنحبي وتعيشي وانا متاكده ان ربنا هيبعتلك احن واحد في الدنيا انت مفيش منك كفايه طيبتك وقلبك المليان مسامحه انا عمري ماشفت واحده مابتزعلش من حد ولا بتاخد علي خاطرها اللي هيحبك هيحبك لقلبك الدهب. 
هتفت حوريه.... مفيش يا لؤلؤ مفيش حد حنين اسكتي سيبي السيره دي بدل مايجيلي بانيك انا مش ناقصه..
اقتربت منها لؤلؤ تداعبها وظلا يضحكان.
عند سليم سافر الي بلده ليدخل علي والده هتف.... ازيك يا حاج عبدالرحمن..
هتف.... ابوه كيفك يا ولدي شالله تكون بخير وعيالك بخير. 
هتف.... بخير يا ابوي عملت ايه في موضوع التار. 
هتف... اهو بنتكلم يا ولدي بس ابنهم ليل مجوم الدنيا حريجه الله يحرجه. 
هتف... طب يا حاج اني عندي فكره احنا نديهم النسب يا حاج ونحيل عليهم كبرات البلد. 
هتف.. نسب نسب ايه يا واد الرفاعيه مابيدوش بناتهم لحد شايفينها عيبه. 
هتف... لاه يا حاج اني الي هديهم بناتي. 
هتف... بناتك كيف ده. 
هتف... بنات فكريه يا حاج بناتي خرجو عن طوعي يا حاج وعايز ألمهم. 
هتف بدران... كيف ده فكريه ما هتلمش ولادها دي كت بت زينه. 
هتف... فكريه ماټت من زمان يا حاج وانا خبيت عليكو الجهر والهم االي اني فيه اجولك ايه ان مرتي اللي هملتني وخدت الولاد عصيتهم عليا. 
هتف... ايه بتجول ايه اني كت خابر انكو اتطلقتو بس تهملهم وتعصيهم عليك. 
هتف... ايوه يا ابوي عشان اكده اتجوزت مني وخلفت فريد ولدي اللي الرفاعيه عايزين يجتلوه. 
هتف عبد الرحمن.. وجاي بعد السنين دي تتكلم ايه لبست توب الحريم اياك. 
هتف سالم.... اعمل ايه البنات طايحين يا بوي ولا يسمعوليش ولا هيرضوش اصلا يجربو ميني. رحتلهم كتير وطردوني يا ابوي. 
هب عبد الرحمن.. يا مري بناتك فجرو يا سالم دا عايزين الجتل. 
هتف سالم... لا يا ابوي الله يرضي عنك دول ولادي برضك نسترهم يا ابوي نديهم للرفاعيه يتسترو. ونلم فضايحهم نديهم رجاله يشكموهم يا ابوي. 
هتف عبد الرحمن... خلاص يا سالم اديني عناوين البنته وانا هتصرف. 
هتف.. ماعيرضوش يجو معاك يا ابوي وهيعملو ڤضيحه. 
هتف عبد الرحمن... ابوك مش اهبل يا سالم اخدهم دارنا الاول وبعدين نتصرف.. ليعطيه سالم العنوان وهنا قام عبد الرحمن وهتف الاول نخلصو من الرفاعيه وبعدين نجيبو بناتك يا سالم يلا هم معاي. 
ذهب سالم وعبد الرحمن الي بيت الرفاعيه وقف لهم ليل.. ايه الي جابكو اهنه. 
هتف عبد الرحمن.. ايه يا ولد الاصول حد يكلم كبيره اكده يا ولدي جاي دارك.
هب بدران.. وسع يا ولدي حجك عليا يا عبد الرحمن انت عارف ليل. 
هتف عبد الرحمن... احنا مستنين الحاج عابد وكبيرنا الحاج علوان وكبرات البلد. 
بهت ليل ويقول..... ودول جاين ليه دلوك.