عشق الأدهم

وقال ايه عايزانى ابات عندك وبصت لحنين وغمزتها مش كده يماما
حنين بصتها مش عارفه تعمل فيها ايه منه امشى من وشى احسنلك
منه جريت دخلت عند هناء وهمس عماله تضحك عليهم
همس كل ده علشان كده طيب فيها ايه يعنى ولا انتى مكسوفه من بنتك
حنين بصتلها وبتقول لنفسها والله مانتى فاهمه حاجه
أدهم خرج واستاذن يمشى حور جريت عليه
حور خليك معانا يابابا شويه اقولك اتغدى معانا ماشى
أدهم شالها معلش ياحبيبتى خليها مره تانيه
حنين لا ياأدهم مينفعش تمشى داوقت غدا عيب لما تمشى ماتتكلمى ياهمس
همس اه صح مايصحش انا عشر دقايق والغدا يجهز
دخلوا البنات يجهزوا الغدا وأدهم وأسر وإياد وفارس الى اجى لما عرف الى حصل قعدوا مع بعض

إياد انا فرحان قوى اخيرا هفرح بيك
أدهم بصله وسكت هو فرحان انها خلاص هتبقى معاه وعلى اسمه بس كان نفسه تبقى موافقه تتجوزه علشانه هو مش عشان مامتها
اسر بصله مالك ياأدهم انت مش فرحان
أدهم بسرعه لا طبعا اكيد فرحان
أسر انا فاهم انت زعلان ليه
أدهم بصله وأسر كمل مش مهم هى وفقت ليه ياأدهم المهم ان جاتلك الفرصه انك تثبتلها انك بتحبها بجد وصدقنى همس لو مش عايزاك مكنتش وافقت هى اه خاڤت على ماما بس برده هى كانت عايزه سبب يساعدها توافق مش اكتر
أدهم معاك حق المهم انها وافقت مش مهم اى حاجه تانيه
اياد حاسس ان فى
حاجه تانيه بس أدهم مش عايز يقولها فسكت ومرداش يتكلم الا لما يبقوا مع بعض لوحدهم
الكل اتجمع واتغدوا مع بعض وأدهم كالعاده اخد حور وأدم جنبه علشان ياكلهم ورغم اعتراض همس بس أدهم بيبقى فرحان وهو بيهتم بيهم بعد الغدا أدهم اخد اياد وروحوا بعد ما اتفق مع اسر انهم هيجوا بكره يطلبوا همس رسمى
همس استاذن بعد مااطمنت على هناء دخلت اوضتها كانت فرحانه وخاېفه فى نفس الوقت وبتسال نفسها مېت سؤال واهم سؤال هى ليه قالتله ان جوزاهم يبقى سورى! يمكن كانت عايزه تعرف رد فعله ايه او هى فعلا عايزه تفضل بعيده عنه مش عايزه تتعلق بيه اكتر لانها مش عارفه لسه تثق فيه فضلت قعده مع نفسها تفكر يمكن توصل لاجابه تريحها
أدهم وإياد روحوا وبلغوا ناديه وشريف
الى فرحوا جدا وقالهم انهم هيروحوا بكره يطلبها
شريف الف مبروك ياأدهم اخيرا هفرح بيك واشوف عيالك
أدهم بصله قوى وسكت
شريف استغرب مالك ياأدهم انت مش فرحان ولا ايه
أدهم مش فرحان ايه ياشريف انت عارف انى مستنى اليوم ده من اول ماشفتها
شريف اومال مالك مش حسك فرحان الفرحه الى مستنيها منك
أدهم مافيش ياشريف كل الحكايه ان اضيقت انها وافقت بس لما امها تعبت مش اكتر كان نفسى توافق علشانى مش علشان ترضى حد
شريف هتفرق معاك
أدهم لا
شريف يبقى تفرح ان الانسانه الى اخترتها هتبقى معاك فى بيت واحد وساعتها هتثبتلها انك بتحبها وتخليها تثق فيك وانا متاكد ان انت بى حبك وحنانك الى انا عارفهم همس هتعشقك مش بس هتحبك
ناديه هى اصلا بتحبك فعلا بس بتعاند ياأدهم
أدهم انا عارف الكلام ده ومش زعلان بالعكس انا فرحان انها وفقت الحمد لله
شريف عموما ألف مبروك يابطل
أدهم ابتسم الله يبارك فيك انا هقوم اريح شويه
اياد قاعد ساكت من ساعت مادخلوا وبيسمع كلامهم وبص لادهم واتاكد انه مخبى حاجه واول ما دخل قام دخل وراه
أدهم بصله لما دخل وراه تعالا يااياد فى حاجه مالك كنت قاعد ساكت من ساعت مادخلنا
اياد انا الى مالى انت الى فيك حاجه مش مضبوطه
أدهم انا كويس ياإياد وفرحان والله
اياد لا ياأدهم انت فى حاجه مش عايز تقولها ومتحاولش تخبى عليا لانى عارفك كويس قوى
أدهم اتنهد وسكت مش عارف يقوله ايه لانه وعد همس ان محدش هيعرف ان جوازهم سورى
اياد ماتتكلم ياأدهم فى ايه
أدهم اياد صدقنى مافيش حاجه
اياد لا فيه وانت مش عايز تقول مش عارف ليه انا اياد ياأدهم يعنى نصك التانى وصدقنى اى حاجه هتقولها مش هتطلع مابينا الا بقى لو مش واثق فيا
أدهم انت اټجننت يابنى مش واثق فيك ازاى يعنى كل الحكايه ان وعدت همس بحاجه ومش هقدر اتكلم عن الحاجه دى
اياد بصله بتفكير ياترى ايه الحاجه دى الى تخلى ادهم مضايق كده خلاص ياأدهم متقولش حاجه
أدهم اياد مش عايزك تزعل منى انت عارف
انا بحبك قد ايه بس برده انت عارفنى لما بوعد ب
قاطعه اياد عارف ياأدهم عارف انك لما بتوعد عمرك ابدا ماتخلف وعد وانا مش زعلان منك ولا اقدر ازعل ابدا وايآ كانت الحاجه الى بينكم مش عايزها تزعلك وانشاء الله كل حاجه هتبقى تمام
ابتسم أدهم انشاء الله ياحبيبى يالا بقى روح انت انا عايز اريح شويه
اياد ماشى ياحبيبى انا رايح اوضتى
مش اياد وأدهم رما نفسه على السرير مخڼوق مش عارف ليه حاسس انه مجروح فى روجلته بس مش قادر يقولها لا ويخسرها وبعد تفكير كتير اقنع نفسه