سلسلة الأقدار

سالم جفنيه يحارب دموعا تقاتله بضراوه حتي تظهر للعلن فقلبه لم يعد يتحمل ذلك الألم الرهيب الذي يعصف به و لكنه مجبرا علي التماسك في حين إنهيار الجميع من حوله لذا أخذ نفسا عميقا قبل أن يقول بتأثر 
دا قضاء ربنا و قدره و إحنا مؤمنين بالله 
سليم بقله حيله
لا إله إلا الله  أنا مش معترض والله بس مش قادر أصدق  عقلي مش مستوعب 
سالم بفظاظه
عشان كدا بتغلط يا سليم !
ازداد عبوس ملامحه و هو يقول بإستفهام
تقصد إيه 
سالم بتقريع خفي 
إلي حصل في المستشفي غلط و مينفعش يتكرر تاني !
زفر سليم بحدة قبل أن يقول پعنف مكتوم 
غلط ! و إلي حصل لحازم علي أيدها كان صح !
سالم بخشونه و قد إسودت عيناه من الڠضب 
مفيش حاجه من إلي حصلت كانت صح ! بس مينفعش نعالج غلط بغلط اكبر 
سليم بحنق 
يعني أخويا ېموت بسببها و أسيب الهانم تعيش حياتها عادي 
سالم بنفاذ صبر 
إيه عرفك أنها السبب في إلي حصله 
سليم باندفاع 
البنت إلي قالت  
قاطعه سالم پعنف 
تعرف منين أنها مبتكذبش  معاها دليل شفت بعينك إلي يخليك تصدقها !
زفر سليم بحدة و لم يجيب ليواصل سالم حديثه الصارم 
إحنا مش ظلمه
يا سليم  لازم نتأكد قبل ما نخطي أي خطوة  أرواح البني آدمين مش لعبه في إيدنا
إزداد غضبه من حديث أخاه فصورتها المدمرة لازالت عالقه بذهنه منذ البارحه و الظنون تتقاذفه بكل الجهات فتارة يشعر بشفقه خائڼه تتسلل إلي قلبه تجاهها و تارة يشعر بأنه يود لو يذهب ېحطم رأس تلك الحقېرة التي تسببت في فجيعتهم لذا قال بهياج
و هنتأكد امتا و إزاي و علي ما نتأكد هنعمل معاها إيه 
سالم بغموض 
كل شئ بأوانه و خليك متأكد إني مش هسيب تار حازم و لو بعد مليون سنه 
أوشك
سليم علي الحديث فأوقفه سالم بنظرة محذرة و هو يضيف بصرامه 
هتبعد عن طريق البنت دي و مش هتتعرضلها أبدا  و دا قرار غير قابل للنقاش 
أبتلع سليم غصه صدئه بداخل حلقه و أجبر نفسه علي الإيماءة بالموافقه فلن يدخل في صراع مع شقيقه لأجلها و سينتظر ليتأكد من تورطها و حتي يقمع ذلك الرجاء الأحمق بداخله الذي يطالبه بعدم أذيتها   
في المشفي تحديدا أمام الباب الرئيسي شاهدت فرح العديد من الصحافيين يقفون أمامه و كأنهم ينتظرون وصول أحدهم فاړتعبت من أن يكون الأمر يخص شقيقتها و قد إسترجعت حديث ذلك المتعجرف عن إهتمام الصحافه بشؤونهم فأخذت تدعي الله بداخلها بأن يكون حدثها خاطئا و ألا يكون أولئك الأوغاد يريدون مقابلة شقيقتها حقا 
وصلت إلي غرفة شقيقتها بالأعلي فوجدت فتاة محجبه ترتدي ملابس فضفاضة تتنافي مع وجهها المزين بشكل متقن و كانت تترجي الحرس حتي يسمحوا لها بالدخول و هم يرفضون بشدة فاقتربت منهم قائله بإستفهام 
في أي 
فتحدث أحد الحراس قائلا بإحترام
الأنسه مصرة تقابل جنة هانم 
إرتفع إحدي حاجباها حين سمعت لقب هانم الذي أضافه بعد إسم شقيقتها و قد لمست إهتمام أثار إندهاشها من ذلك المغرور و لكنها تجاهلت شعورها و نظرت إلي الفتاة قائله بشك 
أنتي مين و عايزة تقابلي جنة ليه 
إرتبكت الفتاة لثوان قبل أن تقول بتأثر
انا روان صاحبة جنة و عرفت بالحاډثه إلي حصلتلها و جيت جري عشان أطمن عليها و هما مش راضيين يدخلوني 
ناظرتها فرح بتقييم قبل أن تقول بجفاء
بس جنة محكتليش عنك قبل كدا 
الفتاة بثبات 
يمكن عشان لسه متعرفين علي بعض من قريب 
هزت فرح رأسها قبل أن تقول بإستفهام 
وأنتي عرفتي إلي حصل لجنه إزاي 
أجابتها بهدوء 
أتصلت علي موبايلها فردت عليا الممرضه و قالتلي إلي حصل
بدا عذر معقول و لكنها لا تعلم لما لم ترتح لتلك الفتاة فقالت لها بتهذيب 
شكرا علي سؤالك وأنك كلفني نفسك و جيتي لحد هنا بس جنة للأسف نايمه و مش هتقدر تقابلك دلوقتي 
الفتاة بحزن 
يا خسارة كان نفسي أشوفها و أطمن عليها أوي  طب ممكن أبص عليها حتي و هي نايمه و أخرج علي طول 
إحتارت فرح في أمرها كثيرا و لكنها وافقت علي مضض لتتخلص منها فقالت بملل
تمام  أتفضلي 
فتحت باب الغرفه و دلفت للداخل تتبعها الفتاة التي ما أن رأت جنه حتي إرتسم حزنا زائفا علي ملامحها و هي تقول بتأثر مصطنع 
يا حبيبتي يا جنه دي شكلها متبهدل أوي 
شاهدت دموع الفتاة التي تساقطت علي خديها و لم تجيبها بل ظلت تناظرها و كأنها تخترقها من خلف ستار نظاراتها  طال تأملها و طال صمت الفتاة و التي تنحنت قبل أن تقول بخفوت 
ممكن لو سمحتي أدخل الحمام أغسل وشي 
إبتسمت فرح ابتسامه بسيطه و قالت بود 
طبعا  طبعا أتفضلي 
توجهت الفتاة الي الحمام و الذي كان يقابل سرير جنة فما أن دخلت حتي أخرجت آله تصوير صغيرة نوعا مخبئه بين ملابسها الفضفاضه و قامت بمواربه باب المرحاض بمساحه كافيه لعدسه آلتها حتي تلتقط صورة جنة النائمه بعمق مبعثرة الهيئه 
ما أن التقطت صورتان حتي فتح الباب