من نبض الۏجع عشت غرامي فاتيما يوسف

والبرد ده من غير أي حاجة للدرجة دي حبها دفاك ودبلتها اللي مزينة يدك خلتك مدريانش 
ثم تابع سخريته بتساؤل
_ ياترى ايه الموضوع الهام والضروري اللي خلاك تصمم اني أجي لك في الليلة البرد داي 
أشار إليه عمران أن يجلس بجانبه ولكنه صعق مرددا برفض قاطع
_ وه كانك اتجنيت ياعمران
بيه ! بقي عايزنا نقعدوا في الطل ده ونتحدتوا ولا ايه !

وعهد الله افوتك وأروح لأمي اللي عاملة لنا راكية تدفي العفريت وحاطة براد الشاي عليها وقومتني من الدفا جارها يا هادم اللذات انت ومفرق الجماعات 
وتابع بټهديد 
_ والله لو ماعملت راكية كيفها و سويت لنا عليها براد شاي لاهفوتك وأمشي منقصاش مرض هي وأقعد جارك اهنه وأني في عيانين في رقبتي .
التوى فم عمران پغضب وقام من مكانه ودخلا الإثنان الاستراحة وقام عمران بجذب المنقد ورص الأخشاب بجانب بعضها مع مراعاة التهوية وقام بسكب قطرات بسيطة من البنزين ثم أشعل لهيب الأخشاب وامتلأ الدفء في المكان وشعر صديقه براحة اغتالت جسده وبدأت عضلاته المتخشبة من شدة البرد تلين ثم قام بمساعدته ووضع الماء والشاي والسكر في ذاك البراد المخصص لذاك المنقد 
جلس عمران بجانبه وأخرج علبة السچائر وكاد أن يقوم بإشعالها إلا انه خطڤها من يداه وهو يردد بسخط 
_ مكفاكش اعقاب السجاير اللي مالية الجنينة برة داي وعمال تحر ق في صدرك وتضر نفسك ناسي انك عريس وداخل علي جواز اياك ولازم تحافظ على صحتك ولا ايه عاد !
ألقى سيجارته ودهسها تحت قدماه اندهش صديقه من تصرفه ومنظره ثم ربت على ظهره مرددا بحنو مغلف بالقلق
_ مالك ياصاحبي حالتك حالة اكده ليه ده إنت النهاردة يوم مميز بالنسبة لك طمني عنيك شكلك ميطمنش خالص .
أخذ عمران نفسا عميقا ثم نطق بنبرة متعبة 
_ قلت لك مهتوفقش والدنيا مش هتظبط وياي طمنتني وقلت لي كلها خرافات وجمد قلبك وأديني أهه جمدت قلبي وحوصل اللي حوصل.
اعتدل محمد بجلسته ووجه كامل أنظاره إليه وتساءل متعجبا
_ يعني ايه مش فاهم حاجة احكي لي بالظبط ياعمران ايه اللي جرى 
قلب عمران عينيه بإرهاق من شدة التفكير وتحدث بما يجيش في صدره من آلام 
_ كنت وياها زي اي اتنين طبيعين مكتوب كتابهم وقربت منيها وكنت طاير في السما وفجأة حالي اتبدل واتغير لقتني حاسس بدوخة غريبة وجسمي من جوة بيتنفض وقبل ما أحس پالنار اللي قادت في جسمي زقتها بع نف لدرجة وجعتها 
واسترسل وجعه وهو يدارى عيناه من صديقه خشية أن لايرى الضعف فيهما 
_ هتقول عني ايه دلوك وأني اتعاملت معاها بمنتهى قلة الذوق والقسۏة !
داي من قبل ماأمشي وأفوتها فكرتني إني قرفان منيها وإنها فيها حاجة غريبة خلتني عميلت فيها اكده أنا حيران ومخڼوق من حالتي اللي مفهمش ليها سبب داي ولا حتي عند الأطبا اني سيبتها ودموعها مغرقة وشها ومقدرتش أطيب خاطرها .
انزعج صديقه من حكواه وحزن لأجله كثيرا ولا يعرف ماذا يقول له ولا يوجد عنده تفسير لأي شئ ولكنه حاول أن يجعله يهدأ وألقى على مسامعه عبارات الاطمئنان التى دوما يلقيها عليه ثم أكمل 
_ إنت تكلمها دلوك وتحاول تبين لها إنك كنت تعبان وحسيت بالتعب ده فجأة وانك مشيت علشان متقلقهاش ودلوك حالا مينفعش تستني للصبح تفتكر إنها مش في دماغك ولا الحاجات اللي بتاجي في دماغ الحريم داي عاد .
استند بجزعيه علي ركبتيه وكور إحدى يداه وضمھا في الأخرى ثم تحدث بۏجع 
_ طيب هقول لها المرة دي إني تعبان وهصالحها المرة الجاية لو اتكررت هيحصل ايه ! ده فاضل شهر واحد ونتجوز ياصاحبي وتبقي معاي علطول وأني زي ماني حاسس إني متربط ومتكتف ومقادرش والنهاردة اتوكدت مليون المية.
نظر إليه صديقه بحزن وأردف بصوت يملؤه التعجب 
_ تكونش مسحور ياعمران وحد عميلك عمل خلاك بالشكل ده 
رفع رأسه وأجابه باندهاش 
_ وه كلام إيه اللي بتقوله ده ياداكتور !
عيب عليك تصدق في الخرافات داي كله كلام فاضي .
حرك محمد رأسه برفض وردد بتصميم
_ له مش خرافات عاد ياصاحبي السحر مذكور في القرآن ومش إنت أول واحد يجرى له إكده 
وكاد أن يكمل إقناعه إلا أن عمران هدر به باستنكار 
_ وه خلاص خليته جرى لي واتأكدت اني اتسحرت بحق وحقاني .
أشار محمد بيديه كعلامة لتأكيد كلامه 
_ وليه لا إنت هتيجي أحسن من سيدنا النبي عليه السلام ماهو سحر هو كمان .
حرك عمران رأسه برفض مرددا 
_ له داي أحاديث ضعيفة مهصدقهاش ومتحاولش تقنعني أني مبصدقش الحوارات داي هو على أخر الزمن أني عمران أروح لدجالين ومشعوذين علشان أشوف مالي !
هز محمد رأسه نافيا لكلامه وأردف بنصح 
_ له مهنروحش لدجالين استغفر الله العظيم ولا هنعتب لهم عتبة الناس داي 
أنا بقول أني والدتي تعرف شيخ زين قووي بيعالج بالقرآن واسميه صابر المداح راجل بيعرف ربنا والناس بتاجي له من كل مكان لجل ماربنا يشفيهم على يده وكماني ولا بياخد فلوس ولا أي شي بيعالج اكده لله .
قلب عمران الموضوع في رأسه ثم هتف بشرود 
_ وأني مين اللي هيعمل إكده يامحمد أني مليش عدوات مع أي حد ولا حتي أمي ليها عدوات مع أي مخلوق انت عارف ست طيبة وملهاش في مكر الحريم ولا عمرها زعلت حد وجيران النجع كلياتهم بيحبوها يبقي مين بقي اللي له مصلحة يعمل فيا اكده .
_له فيه ياعمران ... جملة واثقة نطقها محمد بتأكيد وأردف بإبانة 
_ ليه متكونش اللي ماتتسمي مرت عمك اللي ناطة لك كل شوية ومنغصة عليك عيشتك مرة فاضية وحطاك في دماغها وهددتك كذا مرة .
اتسعت مقلتي عمران بذهول وردد بدهشة 
_ وجد ! معقولة تكون البت داي ! والله لو هي لاهيبقي أخر يوم في عمرها 
وتابع دهشته باستفسار
_ طيب هو صابر المداح ده هيقول لنا مين بالظبط لو طلعت فعلا مسحور 
أجابه محمد نافيا 
_ له مهيقولش بس هيدينا علامات منيها نعرفوا مين عمل إكده 
إيه رايك أخد لك معاد عنديه وأروح وياك ولعله خير ياصاحبي.
استند عمران برأسه على الأريكة وهتف بدعاء وهو ينظر إلي السماء
_ يارب ياصاحبي وميطلعش وهم في الاخر واللي اني فيه ده هيعذبني طول عمري .
طمأنه صديقه وهو يربت على فخذيه
_ إن شاء الله ياصاحبي هتتحل وهتبقي عال العال إحنا جربنا كل حاجة إلا داي عمرنا مافكرنا فيها 
واستطرد حديثه وهو يقوم من مكانه منتويا المغادرة
_ اني هروح دلوك وهسيبك تكلمها وهبقي أتصل بيك أبلغك بالمعاد .
فور أن غادر محمد هاتفها عمران واحس من نبرة صوتها أنها كانت تبكي كثيرا 
ظل يعتذر لها كثيرا عما بدر منه وجلسا يحدثها اكثر من ساعة ويعترف لها أنه يحبها بل يعشقها كثيرا وأنها حبه الأول وبدونها حياته لا معنى لها حتى هدأت روحها واستكانت واتبعت طريقته المحببة إلى قلبها في الحديث وشعرت بمدى صدقه وأنه لم ېكذب عليها وقضيا تلك الليلة في سعادة كل منهم يعشق الآخر بطريقته
_____________________________
أتى الصباح وسطعت شمس النهار تعلن عن ميلاد يوم جديد وأصوات العصافير تزقزق في كل مكان ورائحة الأزهار تنشر عطرها وتعطينا أكسيدا وفيرا نتنفسه ويعبأ داخل صدورنا فيشعرنا بالأمل والتفاؤل 
استيقظت رحمة من نومها
وأدت فرضها ثم هبطت إلى الأسفل وتناولت الفطور مع عائلتها المحببة إلى قلبها ثم انشغلت بأعمال المنزل التى لم تنتهي وبعد أن انتهت صنعت لنفسها كوبا من الشاي بالنعناع وذهبت بملف قضية الي الحديقة تراجعه كثيرا كي تستطيع حل اللغز فداخلها يسعد كثيرا وهي في حضرة ملف قضية وكأنه الأكسير المسؤل عن السعادة داخلها 
وأثناء ارتشافها لمشروبها المفضل دلف إليهم ابن عمها يمشي بخطوات بطيئة كي لا تشعر به وخاصة أنها مندمجة بشدة مع ذاك الملف
اقترب منها ثم اختطف الإناء من على فمها فجأة كانت قد وصلت إلى منتصفة وهو يردد بدعابة على ذهولها من حركته 
_ هشرب مكانك علشان أجرى وراكي ههه .
ضحكت بشدة على دعابته وهتفت وهي ترفع حاجبها باستنكار مصطنع
_ وه إنت ياحضرة المحامي اللي بقي ليك شنة ورنة تصدق الخرافات داي لااااا ده إنت باين انك هيست منك خالص ياخوي.
كان مندمجا معها ومستمعا إلى خفتها بابتسامة عريضة على وجهه وفور أن نعتته بأخيها انزعج داخله وحزن وقرر الآن الاعتراف لها وردد وهو يتحمحم 
_ ياستي عادي أدينا بنهزر شوي 
اممم بقول لك ايه أني عايز أعترف لك بسر النهاردة واتكلم وياكي في موضوع مهم عندك وقت تسمعيني ولا ايه 
أشارت على حالها بابتسامة أظهرت أسنانها البيضاء وأردفت بإبانة 
_ والله إنت ابن حلال ياواد عمى اني كمان عايزة اتحدت وياك في موضوع مهم بالنسبة لي اوووي وحابة آخد رأيك فيه .
ضم حاجبيه بعبس وردد 
_ حاجة ايه دي المهمة أووي اكده احكي إنت الاول يللا واني سامعك .
هزت رأسها برفض
_ له احكي إنت الاول علشان اني موضوعي طويل .
_طويل طويل اني اطول أسمع بت عمي وهي بتحاكيني ... جملة اطرئية نطقها ذاك العاشق وأكمل بتعجل 
_ يالا احكي عاد واني سامعك ياحضرة الباش محامية .
ابتسمت بإعجاب على نعته لها وهتفت بسعادة
_ كلمة باش محامية داي بتدخل قلبي وبتمزكني على الاخر ياواد عمي .
أشار بأصبعه علي عيناه وهو يهتف بحنو 
_ من عيون واد عمك يقولها لك علطول ياأجمل باش محامية وأحلاهم كماني يالا اتكلمي وأني سامعك .
توترت قبل بداية الحديث وشعرت بالخجل مما أوحى له انها تشعر به وتريده كما يشعر هو ثم أمهل قلبه الذي يدق الصبر وعيناه الانتظار و جعل أذناه صاغية في حضرة سماعها هي فقط من يود سماع صوتها المحبب إلي قلبه 
هي فقط من بين نساء العالم من أحبها منذ طفولتها وخبأ عشقه لها بين ثنايا قلبه وروحه 
هي فقط من يريد أن يحظى به وبالنسبة له يكون قد ملك سعادة العالم بأكمله 
أما هي بدأت حديثها باستفسار
_ بقول لك ياجاسر ايه رأيك في الاستاذ ماهر 
اندهش لتساؤلها وأصيب قلبه بالخذلان ولكن هدأ من بدئ ثورة قلبه وأجابه متسائلا بتعجب 
_ رأيي فيه من ناحية ايه بالظبط 
ابتلعت أنفاسها بصعوبة من شدة توترها وأردفت بتوضيح 
_ يعني من ناحية ظروفه الشخصية وطباعه إنت أقرب واحد ليه في المكتب وكمان دراعه اليمين يعني .
اندلعت الني ران وتأججت داخل صدره ولأول مرة يتحدث معها بتلك النبرة الجافة
_ وإنتي مالك بتسألي عن ظروفه ليه يابت عمي مالك ومال شخصيته وطباعه إنتي !
رأت حدته معها وأصيب جسدها بقشعريرة الرهبة من نظراته القاتمة التي تراها لأول مرة ثم تحدثت بتوضيح أكثر ولسانها يتلألأ 
_ بصراحة إكده هو طلب يتجوزني ووو...
كادت أن تكمل حديثها إلا أنه اعترضه