للعشق وجوه كثيرة نورهان العشري قيثارة الكلمات

الذي جعل ابتسامه خافته ظهرت على شفتيها و لكنها سرعان ما انمحت و حل محلها الڠضب وهي تقول بلهجة معاتبة
_ بس انت سبتني اسبوع كامل مسألتش فيا دا غير اللي عملته فيا و احنا في اسكندريه و معاملتك ليا قدامهم .
عاد غضبه ليظهر على السطح مرة أخرى حين قال بغلظة 
_  شوفتى اهو دا اللي بقولك عشانه يا خسارة . عشان بعد دا كله مش عارفه غلطك بردو !
انفعلت من كلماته و هبت بانفعال 
_ ممكن اكون غلطت بس مستاهلش منك كل دا .
أجابها يوسف بحدة
_ متستاهليش ! كاميليا انت فاهمه معنى كلمة انت مراتي دي ولا مش وصلالك لسه 
تراجعت خطوة للخلف إثر إنفعاله و قد اشعرتها كلماته بالخجل و لكنه تجاهل انفعالات وجهها و تابع بلهجه حادة 
_اقولك انا . مراتي دي يعني شريكه حياتي نصي التاني . الجزء اللي بيكملني . انت الإنسانه الوحيده اللي اديها ضهري و أنا مطمن و مش خاېف تغدر بيا . 
كانت كلماته عميقة تحوي معاني عظيمة جعلت قلبها ينتفض طربا بين ضلوعها ولكنه باغتها حين قال معنفا
_ تبقي معايا على طول الخط مش تلاقي الناس بتكذب عليا و تستغفلني تقومي تكذبي انت كمان و تصدقي على كلامهم . عادي عندك ان حد يستغفلني و بدل ما انت اللي تصارحيني لا تسانديه 
قاطعته مدافعه عن نفسها 
_ والله كنت هقولك بس مستنياك تهدي شويه . 
قال مستنكرا
_ عذر اقبح من ذنب . لما اهدى بعيد عنك انت لازمتك ايه و خصوصا لما تبقي عارفه ان انت الوحيده اللي عمري ما هقدر أأذيها أبدا مهما كانت حالتي و مع ذلك وقفتي عيني في عينك و كذبتي عليا . متخيله انا حسيت بأيه ساعتها 
اخفضت  رأسها و قد شعرت بمدى خطأها و غبائها فسارع  برفع رأسها مرة ثانية و قال بلهجة قوية 
_  متوطيش راسك تاني مهما كان السبب .
أطلق زفرة متعبة من جوفه قبل أن يتابع بنبرة مشجبة 
_  انت مفكرة أنه سهل عليا انفعل عليك و ازعلك بالشكل دا   للمرة المليون افهمي انت حته مني مراتي و حبيبتي و كل حاجه ليا . في حاجات لو حصلت من الناس كلها ولا هتهز شعره فيا انما منك انت تكسرني .
قاطعته  بلهفة واضعه اصبعها فوق شفتيه وهي تقول بأسف
_ متقولش كدا ارجوك انا عمري ما اقدر اعمل فيك كدا .. انا عارفه اني غبيه و غلطت بس دا كان رد فعل مقصدتوش والله انا خفت ليحصل مشكله لما مازن قالي انك مانع أدهم يشوف غرام .
كز على أسنانه قبل أن يجيبها بسخرية مريرة
_  أدهم ! عارفه يا كاميليا أدهم دا يبقى ابني مش اخويا . انا اللي مربيه هو و روفان على إيدي من بعد ما بابا اتوفى لما يعمل عملته دي متخيله انا هبقى عامل ازاي أو حاسس بأيه 
دون أي حديث فقد كان الألم باد بوضوح على محياه و قد انتقل إليها حين تابع بمرارة و كأن صبار نبت في جوفه
_ انا حسيت اني كنت بزرع السنين اللي فاتت دي في أرض بور . أدهم خذلني و خلاني لأول مرة في حياتي مش قادر ارفع عيني في عين علي .
تعلم مقدار حزنه و خيبته و خاصة حين تابع
_ كان لازم اقفله و اعرفه غلطه و اعاقبه بالرغم من اني عارف أنه هيعمل المستحيل عشان يشوفها و دا في حد ذاته عقاپ أنه بدل ما يكون مكانه جمبها لا دا بيشوفها زي الحراميه.. 
تبلورت السخرية في لهجته حين قال
_ و لاني واثق أنها هتعرف تدفعه تمن غلطه كويس .
كنت لازم اعرفه انه خيب أملي فيه و اني أنا اللي هقفله و انا عارف ان مازن معاه و هيساعده بالرغم اني كان ممكن أنبه على مازن ميساعدهوش و كان هيسمع كلامي بس سبته يقف جنبه . 
كان الذهول يخيم على ملامحها مما جعله يقول بخشونة
_ انا مش ظالم يا كاميليا انا بحاول اوصل بينا كلنا لبر الأمان بس للاسف كلكوا ضدي محدش أبدا