عشق الصخر

حبيبي اطمني انا
مرتب كل حاجة طول ما انا جانبك مټخافيش
عشق ربنا يخليك ليا ياحبيبي
صخر لا بالله عليكي ياشيخة متقولليش حبببي دي خالص مبقتش بتفائل بيها
عشق ليه بس كده
صخر فاكرة اخر واول مرة قولتيها حصل ايه سبتي البيت ومشيتي
عشق بخجل واعتذار غلطة ومش هتتكرر تاني ياصخر انا مستحيل ابعد عنك تاني
صخر باس دماغها ربنا يخليكي ليا انا هقوم البس عشان لازم اروح البيت
عشق طب وانا
صخر المفروض انك هربتي وانا بدور عليكي واكيد الكلاب دول مرقبين القصر
عشق بزعل يعني هفضل هنا لوحدي
صخر بحنان هجيلك بليل وطول اليوم هكون معاكي على التليفون بس اهم حاجة ياعشق متفتحيش الباب لاي حد مهما كان انا لما اجي هفتح الباب بالمفتاح اللي معايا تمام
عشق تمام
صخر جهز نفسه وودع عشق واتجه لقصر السيوفيمايا ونريمان راحوا على العنوان اللي قالهم عليه سيف نريمان كانت قلقانة وجواها خوف مبهم مش عارفة سببه طلعوا الشقة واستقبلهم سيف وقدملهم عصير يشربوا دقايق وغابو عن الوعي
بمرور الوقت 
فاقت نريمان على صوت بوليس الاداب بره
إن لله نفحات رحمة تصيب المكثرين من الصلاة على النبي ﷺ 
فاقت على اصوات كتيرة مش قادرة تميزها فتحت عيونها وهي مش مستوعبة هي فين وبتعمل ايه الاصوات ابتدات توصخ وميزت جملة بوليس الادب بره لسه هتقوم وهي مڤزوعة لقت نفسها من غير ملابس ويادوب في ملايه ستراها ومش بس كده لا دا في واحد نايم جنبها عقلها
وقف وابتدات ټضرب نفسها بمعنى اصح تلطم ومفيش على لسانها غير كلمة اتفضحت ثواني والبوليس كان بيقتحم الاوضة اللي هي فيها وتم القبض على نريمان وهي ملفوفة في ملايه واتحولت للقسم التابع للمنطقة اللي هي فيها
قبل الوقت بعدة ساعات
دينا ها ايه الاخبار
سيف كله تمام متقلقيش عشق سابت قصر السيوفي وصخر قالب الدنيا عليها وملقهاش
بلهفة قالت متاكد ياسيف
سيف بضحكة شړ عيب ياقلب سيف متاكد طبعا قوليلي بقا الخطوة التانية هتكون ايه
دينا پحقد هنخلص من نريمان وبنتها متنساش ان مايا عايزة تاخد صخر باي طريقة
سيف بتفكير و دول هنخلص منهم ازاي
دينا بشړ هقولك انت تتصل علي مايا وتقولها ان صخر السيوفي كشف كل خطتنا واننا لازم نتقابل ضروري وفي مكان مداري عشان لو صخر مراقبنا
سيف وبعدين
دينا بمكر وبعدين ياسيدي هتقابلهم في العنوان اللي هقولك عليه ده قالتله العنوان وبعدين هتخدرهم
سيف ودا ازاي
دينا حابيتين منوم من العيار التقيل في كوباية عصير لكل واحده فيهم دقيقة ولا اتنين وكل واحده هتروح في سابع نومة هتاخدهم وهتوديهم على شقة اللي في 
سيف بأعجاب يابنت اللذينة هتلبسيهم قضية اداب
دينا پحقد ومش بس كده
سيف ناوية على ايه تاني
دينا ببرائة مصطنعة قضية صغيرة كمان
سيف واللي هي
دينا بشړ قضية مخډرات
سيف دا انتي ناوية تقضي عليهم خالص
دينا انا اضحي باي حد واي حاجة عشان اوصل لصخر وفلوس صخر
سيف طب قوليلي هنثبت التهمة عليهم ازاي
دينا اتفقت مع كام بت من اللي عندهم ملف في الاداب عشان لما يتقبض عليهم يعترفوا ان نريمان هي اللي بتسرحهم مش هما بس لا وبنات كتير اووي ويبقى اتقبض علي شبكة ډعارة كبيرة اوووي صحيح واحدة خدت 10الف بس مش خسارة فيهم ودا غير الكام فرش حشش اللي حطتهم في شنطة في الاوضة اللي فيها نريمان وفي الوقت المناسب وب تليفون صغير من فاعل خير للبوليس وخبر صغير للصحافة بالقبض على زوجة رجل الاعمال ناصر عمران وبنتها في وضع مخل في شقة مشبوهه وبكده نبقى خلصنا من نريمان وبنتها ويفضلنا عشق هانم اللي هنخلص منها وبسهولة اوي اوي
الخطة فعلا مشيت زي ما دينا خططت بالظبط بس اللي معملتش حسابه ان مايا تفوق قبل وصول البوليس بدقايق وقدرت تهرب قبل اقټحام البوليس للشقة عن طريقة باب المطبخ اللي بيودي للباب الخلفي للعمارة ومنه للشارع الرئيسي
خبر القبض على نريمان انتشر بسرعة البرق ناصر كان هيتجنن وهو شايف صور مراته منتشره فكل مكان سواء على الانترنت او المجلادت معقول مراته تكون كده فعلا! كان ناوي يطلقها ويخليها على الحديدة كان عايز ينتقم منها على كل حاجة عرفها واكتشفها عنها بس مفكرش ابدا ېفضحها بالطريقة دي بس صحيح الجزاء من جنس العمل زمان ظلمت كريمة وهو كمان ظلمها! ايوة ظلمها افتكر من حوالي 4 ايام لما صخر السيوفي طلب انه يقابله
فلاش بااااك 
كان قاعد في اوضته وبيفكر ينتقم من عشق وصخر ازاي وزي ما بيقولوا ابن الحلال عند زكروا بيبان اتفاجئ بصخر بيتصل عليه رد ب استغراب الو
صخر بجدية عايز اقابلك
ناصر بتريقة ودا ليه ان شاء الله
صخر موضوع يهمك ياناصر
ناصر موضوع ايه بالظبط
صخر ببرود لما تيجي هتعرف وقفل من غير ما يزيد ولا كلمة
وفعلا صخر وناصر اتقابلوا واتفاجئ ناصر ب اللي شافوا فديو مسجل صوت وصورة ل نريمان وهي بتعترف على كل حاجة عملتها زمان في كريمة