فاطمة
المحتويات
مرة عشان يكره سهام ويكرهه اكتر واكتر
فاروق بسخرية شريرة اوى أنت يا فيفى
فيفى بضحك تربيت ايدك يا باشا
فاروق بس أنت ليه بتكرهيها اوى كده
فيفى ما أنت عارف يا باشا كنت بشتغل جرسونة فى كافتريا النادى اللى حضرتها بتيجى تتمرقع فيه هى وأصحابها كل يوم
وفى يوم وأنا بقدم لهم العصير جه عيل صغير خبطنى وأنا ماسكة الصينية هوب راحة كوباية العصير أدلقت على هدومها وعينيك ما تشوف غير النور لقيتها قايمة وضربتنى حتة قلم على وشى كان هيسورنى وعلم فى وشى
خلت منظرى ميسواش نكلة قدام الناس وكسرت بخاطرى وساعتها حسيت بڼار فى قلبى واتوعدتها ساعتها هردلك القلم ده غالى اوى
فضحك فاروق وردتيه بالجامد اوى واخدتى منها جوزها وبسببك أتنازل عن شرف المهنة بسبب كتر طلباتك
واشتغل معانا وده خله لينا ضهر جامد اوى على رأى ست ريا وسکينة ونسبنا الحكومة
فيفى مهو كله بحسابه يا باشا وأنت مغرقه فلوس لغاية مبقى مش عارف يوديها فين ولا فين عشان ميكشفش فبيحولها بنوك سويسرا البخيل بدل ميحطها فى أسمى ويدوبك بس بخنصر منه قرشين كل عملية على شوية المجهورات اللى بيجبالى كل زيارة
بس أنت نصيبك فى العملية الجاية اللى عرفناها عن طريقه دى كبير اوى متقلقيش
فيفى بجد يا باشا اه جد الجد
بس خديه بالهداوة كده اليومين دول لغاية ما تمثيلية الحكومة علينا تخلص بسلام وعم الشحات ركان يدخل برجليه القپر
فيفى أنا مش عارفة الحكومة ملها ومالنا مايسبونا نسترزق ليه عينهم علينا كده
وساعتها هيشلوا دماغهم منا خالص
فيفى منه لله الواد الصبى اللى كان شغال عندك اسمه ايه اه سيف
لما اتقبض عليه جاب سيرتك فى التحقيق
فاروق پغضب وأنا مش هسيبه هعلمه غلطته بس مش دلوقتى لما نخلص من الفيلم ده الاول
بس سيبك من الكلام ده كله إحنا كنا بنقول ايه
الحلقة الخامسة والعشرون
عنان ل عامر حلو كده يا سكر
كفاية لغاية كده عشان محدش يشوفنا
هتمشى بقه ورايا واول مطلع بخمس دقايق ألاقيك مخبط على الباب
عامر تمام
فأسرعت عنان وهو من ورائها
فتحت سارة الباب لعڼان فى البداية وكالعادة وبختها على التأخير لهذا الوقت بقولها
زفرت عنان بضيق هو أنت متعرفيش تلمى لسانك ده شوية أتمسى يا سارة أحسلك
سارة هو ده اللى بنشوفك منك بس عين بجحة وصوت عالى بنات آخر زمن عشان كده محدش بيبص فى خلقتك
عنان ليه عفشة ولا كتعة مسيره يجى اللى بيقدرنى
ساره بإستهزاء ده إمتى إن شاءالله
عنان الله اعلم يمكن تلاقيه يخبط على الباب دلوقتى
سارة بسخرية ده عشم إبليس فى الجنة
ثم سمعوا صوت طرق على الباب
فابتسمت عنان أما سارة فزفرت بضيق هو مين اللى هيجلنا السعادى
فاتجهت لفتح الباب لترى شاب طويل وسيم فاتخشبت
فى مكانها للحظة ثم أردفت حضرتك عايز مين شكلك غلطان فى الشقة
عامر بنفى لا مش دى شقة الاسطى الميكانيكى اخو الآنسة عنان
سارة بإندهاش على ملامحها ايوه هو
ولى متسمى أخته اه عنان ملها
عامر طيب هو موجود عشان عايزه ضرورى
سارة اه مسطح جوه شوية كده من أرف الشغل
عامر طيب تصحيه
سارة بس لا مؤخذة حضرتك عايزه فى إيه
عامر موضوع بخصوص الآنسة عنان
سارة ملها البت دى !
اوعى تكون طولت لسانها عليك ولا حاجة
منا عارفة لسانها عايز قصه
عامر لا ابدا دى بنت جدعة وزى العسل وأنا صراحة معجب بيها وجى أطلب ايديها
فجحظت عين سارة مردفة بعدم تصديق أنت متأكد أن قصدك على البت عنان المقشفة دى
تلون وجه عامر ڠضبا قائلا لو سمحتى اتكلمى عنها كويس
وخلص الكلام معاك أنا عايز راجل اكلم معاه
فجاء على صوتهم اخوها فتحى مين ده يا سارة وعايز ايه
حدثت سارة نفسها لا مش معقول يكون الواد الحليوة ده اللى شكله ابن ناس يكون جى للبت عنان لا طبعا متستهلهوش
سارة ده بيسئل عليك يا خويا
فتحى ايوه حضرتك !
عامر ممكن ادخل نكلم
فتحى ايوه طبعا اتفضل اهلا وسهلا
ابتسم فتحى وفرح قلبه عندما علم بحقيقة زيارة عامر فهمس والله البت عنان دى غلبانة وتستاهل كل خير واخيرا هتخلص من العقربة سارة اه يا نارى اللى مصبرنى عليها بس العيال
فتحى والله ده يشرفنا يا استاذ عامر بس حضرتك يعنى لازم تجيب اهلك معاك ده الاصول وبرده لازم ناخد رأى العروسة ولو مفهاش إساءة معلش كمان لازم نسئل ونطقس امال هنرمى بنتنا دى عنان الحيلة وغالية عليه وانا مربيها ولازم اطمن عليها
عامر اه طبعا حضرتك اسئل برحتك وأنا تحت أمرك فى كل حاجة وإن شاء الله المرة
متابعة القراءة
